Mánudagur
Skyr, brauð með osti og kæfu, mjólk, gúrka og vinber
Þriðjudagur
Plokkfiskur, soðnar kartöflur, gulrætur, mjólk, epli
Miðvikudagur
Kjuklingur í súrsætri sósu, salat, epli
Fimmtudagur
Hakk og spaghetti, salat, ávextir
Föstudagur
Sóðinn lax, kartöflur, grænmeti, hvitlaukssósa, ávextir
Í gær var uppskeruhátíð hjá okkur, vinna við undirbúning hátíðarinnar hefur tekið nokkrar vikur og flesta tíma í skólanum í þeirri sem nú er að líða. Það er ekki einfalt að koma saman eigin leikverki og reynir á marga námsþætti aðalnámskrár grunnskóla. Til dæmis sköpun, samvinnu, ritun, handverk, tjáningu, samstarf og það að vera fær um að setja sig í spor annarra. Það gengur oft á ýmsu þegar verið er að vinna textann, þá þarf að hafa hugrekki til að koma hugmyndum sínum á framfæri og stundum að leggja talsvert á sig til að sannfæra aðra um ágæti þeirra. Texti og boðskapur miðast við hugarheim nemenda og gefur okkur innsýn í hvað þeim finnst sniðugt þó að við skiljum kannski ekkert í því. Það er líka flókið að raða í hlutverk og nemendur eru sjaldnast allir sammála um hver á að gera hvað svo þar reynir verulega á samningatækni. Þannig að það að setja saman eigið árshátíðarleikrit, eins og krakkarnir völdu að gera að þessu sinni, er mjög lærdómsríkt ferli fyrir alla nemendur. Það skilar sér einnig til framtíðar því þeir nemendur sem fara í gegnum svona ferli nokkrum sinnum á skólagöngu sinni verða opnari fyrir því að gefa af sér og taka þannig virkan þátt í samfélagi sínu. Í næstu viku verður svo skólastarf með hefðbundnari hætti, og eins og fram kom í síðustu viku munum við leggja áherslu á að vinna með samskipti og vináttu með eldri nemendum með formlegum hætti.
Við þökkum ykkur kærlega fyrir komuna og vonum að þið hafið haft jafn gaman af þessu og við.
Enn ein vikan er nú að verða liðin. Skólastarfið hefur gengið að mestu samkvæmt venju þessa viku, við erum þó að undirbúa árshátíðina og það litar viðfangsefnin nokkuð. Textar eru æfðir og leikmyndir málaðar en allt er þetta þáttur í að skapa nemendum fjölbreytt starfsumhverfi þar sem takast þarf á við ólík viðfangsefni.
Yngsta stigið hefur verið að vinna með vináttuþema að undanförnu eins og sjá má á myndunum sem fylgja hér með og eftir árshátíðina munum við fara í sambærilega vinnu með unglingunum. Mikið var um tilraunir í náttúrufræðikennslunni og á meðfylgjandi mynd má sjá nemendur finna út loftmagn í snjó.
Fimmtudaginn 4.apríl höldum við svo okkar hefðbundnu árshátíð. Nemendur hafa ásamt kennurunum sínum verið að semja og æfa leikrit. Tvær sýningar verða í Félagsheimilinu, kl.17:30 og klukkan 20:00. Aðgangseyrir á sýningarnar er 1000 krónur. Það er mikil áskorun fyrir nemendur að koma fram fyrir áhorfendur og ekki síst með frumsamið efni og því vonumst til að sem flestir bæjarbúar sjái sér fært að koma og gleðjast með okkur þennan dag. Nemendur fengu bréf með sér heim í dag með betri upplýsingum um fyrirkomulagið.
Mánudagur
Hamborgarar, kartöflubátar, grænmeti, ávextir
Þriðjudagur
Fiskréttur (hrísgrjón, fískur og heitt tómatsósa), grænmetisalat, ávextir
Miðvikudagur
Grænt kjúklingasúpa, ávextir
Fimmtudagur
Grisasnitsel, ofnbakaðar kartöflur, grænmetisalat, ávextir
Föstudagur
Soðinn fiskur, soðnar kartöflur, ofnbakaðar grænmeti, rugbrauð, ávextir
Í okkar samfélagi er afskaplega fjölbreytt og falleg menning og var henni fagnað laugardaginn 16 mars þegar um 140 manns fylltu félagsheimilið. Hátíðin sýndi ólíka menningarheima með munum, atriðum og mat frá sex mismunandi þjóðum, Filippseyjum, Íslandi, Póllandi, Nígeríu og Tælandi. Við innganginn voru borð sem sýndu muni frá löndunum, þar var til dæmis að finna peninga, fatnað, gamla og nýja muni frá löndunum. Börnin í grunn- og leikskólunum sáu um að skemmta gestum með söng, leik og upplestri á ýmsum tungumálum. Foreldrar áttu svo heiðurinn af matnum sem var á hlaðborðinu sem svignaði undan glæsilegum og þjóðlegum réttum.
Hátíðin var einkar vel heppnuð og það voru saddir og sælir gestir sem yfirgáfu félagsheimilið eftir frábæran dag. Þessi stórglæsilega hátíð, vinnan sem stjórnir foreldrafélagana og foreldrar lögðu á sig er samfélagi okkar til mikils sóma.
Sjá fleyri myndir hér
Mánudagur
Grænmeti- og kjötsúpa, brauð með osti, epli
Þriðdjudagur
Soðinn fiskur, soðnar kartöflur, gulrætur og rófur, ávextir
Miðvikudagur
Lambagúlas, kartöflur, grænmetisalat, ávextir
Fimmtudagur
Hakkréttur og hrísgrjón, salat, ávextir
Föstudagur
Fiskiklattar, köld sósa, ofnbakaðar kartöflur og gulrætur, grænmeti og ávextir
Þessa viku er búið að vera mjög mikið að gera hjá okkur eins og þið sjálfsagt vitið. Á þriðjudaginn fórum við til Þingeyrar þar sem nemendur 7.bekkjar tóku þátt í undankeppni litlu skólanna vegna Stóru upplestrarkeppninnar og nemendur 6.bekkjar fóru með til að undirbúa sig fyrir næsta vetur. Einn nemandi frá okkur komst áfram og annar var valinn sem varamaður.
Nú á þriðjudaginn fengum við einnig tæknideild Ísafjarðarbæjar í heimsókn til að athuga, í annað sinn, hvort hætta sé á að mygla sé vandamál í skólanum. Þeir tóku sýni víða úr húsnæðinu og ég mun láta ykkur vita þegar niðurstöður úr þeim koma.
Á mánudag, þriðjudag og miðvikudag þreyttu nemendur 9.bekkjar samræmd próf í íslensku, stærðfræði og ensku.
Eftir hádegi á miðvikudaginn héldu svo nemendur 9. og 10.bekkjar til Reykjavíkur þar sem við fórum, ásamt nemendum frá Flateyri og Þingeyri, á tvær sýningar. Annars vegar Norðurljósasýningu og ,,Vatnið í náttúru Ísland" í Perlunni og hins vegar sýninguna ,,Mín Framtíð" sem er kynning allra framhaldsskóla á landinu og um leið Íslandsmeistaramót í iðngreinum. Það voru því nokkuð þreyttir unglingar sem komu heim seint á fimmtudagskvöld.
Nú vikunni lauk svo með því að nemendur á miðstigi fóru í heimsókn til Orkubús Vestfjarða og skoðuðu virkjunina í Engidal. Þessi heimsókn var í tengslum við orkuverkefni sem þeir hafa verið að vinna undanfarna daga.
Svo þið sjáið að það var engin lognmolla hjá okkur frekar en fyrri vikurnar.
Á morgun er svo fjölmenningarhátíðin haldin í Félagsheimilinu og ég hvet ykkur öll til að fjölmenna á hana. Þar verður örugglega gaman.
Mánudagur
Grjónagratur, brauð með áleggi, ávextir
Þriðjudagur
Fiskur í raspi, soðnar kartöflur, tómatar, sósa, ávextir
Miðvikudagur
Hakk og spaghetti, salat, ávextir
Fimmtudagur
Kjötfarsbollur, soðnar kartöflur, hvitkál, brætt smjör, ávextir
Föstudagur
Fiskur með osti, ofnbakaðar kartöflur, grænmeti, ávextir
Mánudagur BOLLUDAGUR
Heimagerðar fiskibollur, ofnbakaðar kartöflur, grænmeti, sykurlaust tómatsósa, ávextir
Þriðjudagur SPRENGIDAGUR
Saltkjöt, kartöflumús, soðnar grænmeti (rófur og gulrætur), baunasúpa, ávextir
Þessi vika hefur verið mjög skemmtileg hjá okkur, eins og raunar flestar vikur. Við höfum rætt niðurstöður nemendaþings með nemendum og þeir hafa margar góðar tillögur um skólastarfið eins og búast mátti við. Elstu nemendur mega núna vera inni í seinni frímínútum og dans verður valkvæður næstu fjórar vikurnar. Þetta mun smá koma inn hjá okkur eftir því sem lausnir finnast en mestu máli skiptir að nemendur finna að þeir hafa rödd og geta haft áhrif á skólastarfið. Annað sem við ræddum var hugmyndin um símalausan dag. Nemendur á unglingastigi tóku henni mjög vel, enda hafa þeir allir ipad til að vinna skólaverkefni svo við erum ekki að tala um minni notkun á tækni í námi. Niðurstaðan úr þeim samræðum var að byrja með að prófa einn símalausan dag í viku og varð miðvikudagur fyrir valinu.
Nemendur á yngsta stigi gerðu náttúrufræðitilraun með lengsta plastpoka í heimi, það var mikil gleði eins og meðfylgjandi mynd sýnir.
Hápunktur vikunnar var svo foreldrafundurinn á þriðjudaginn. Við í skólanum erum sérstaklega þakklát fyrir góða mætingu og þátttöku í samræðunum um hvernig við getum saman skapað börnunum okkar sem best námssamfélag, það er ljóst að foreldrasamfélagið hér á Suðureyri lætur sér annt um skólann sinn. Ég er búin að taka saman niðurstöðurnar og mun senda þær í mentorpósti á ykkur svo þið getið líka skoðað þær Mig langar að athuga hvort ég get sameinað eitthvað til að koma niðurstöðum hvors hluta fyrir á einu blaði. Það kemur í ljós síðar. Niðurstöðurnar verða þýddar á pólsku og tælensku.
Að lokum minni ég svo á að í næstu viku eru aðeins tveir skóladagar hjá nemendum, mánudagur og þriðjudagur. Á miðvikudag er starfsdagur og á fimmtudag og föstudag er vetrarfrí. Og allra síðast að það má svara skólapúlsinum fram á mánudag.
Kveðja
Jóna
