Þormóður Logi Björnsson Þormóður Logi Björnsson | miðvikudagurinn 6. apríl 2016

Það er leikur að forrita

1 af 3

Í dag kom Rakel Sölvadóttir frá Skema til okkar og hélt námskeið í ipad forritun fyrir 5. - 10. bekk. Rakel hrósaði nemendum mikið fyrir hegðun og áhuga. Við vitum auðvitað að við erum frábær en það er alltaf gaman að fá hrós.

Farið var í tvö öpp og flestir kláruðu allar þrautir í fyrra appinu og margir komust langt í því seinna. Stefnan er að nemendur í 4. - 10. bekk prufi aðeins að forrita í upplýsingartækni tímum fram að vori, en markmið skólans og Ísafjarðarbæjar er að forritunarkennsla verði á næstu árum markviss frá 4. - 10. bekkjar. Áhugasamir geta sótt appið, sem er forritunarleikur og nemendur fóru létt með hér -> Box Island (til bæði fyrir apple og android).

Þormóður Logi Björnsson Þormóður Logi Björnsson | þriðjudagurinn 5. apríl 2016

Blár dagur, aukafréttatími og heimsókn

Það ver búið að vera nóg að gera fyrir og eftir helgi. Á föstudag mættu nemendur í bláu í tilefni alþjóðlegs dags einhverfunnar. Á mánudag horfði unglingastigið á aukafréttatíma rúv og í lok dags fengum við svo góða heimsókn frá Guggu Ragg, varaformanns FG.

Emilia Agata Górecka Emilia Agata Górecka | mánudagurinn 4. apríl 2016

Matseðill 4-8. apríl

Mánudagur 4. apríl

Skyr og pizzusnuðar

Þriðjudagur 5. apríl

Soðinn fiskur, soðnar grænmeti og kartöflur, rugbrauð, smjörvi

Miðvikudagur 6. apríl

Svinakjöt i súrsæt sós, hrisgrjón, salat

Fimmtudagur 7. apríl

Pasta og skinku réttur, heimabakað brauð, salat

Föstudagur 8. apríl

Fiskur í raspi, kartöflur, sósa, grænmeti

 

VERÐI YKKUR AÐ GÓÐU

| mánudagurinn 4. apríl 2016

Leikfimi þessa vikuna

Sund fellur niður þessa vikuna, endilega sendið börnin með leikfimisföt ÞESSA vikuna.

En sundið verður einsog áður sagði á þriðjudögum og miðvikudögum frá og með næstu viku.

 

Nemendaráð Grunnskólans á Suðureyri Nemendaráð Grunnskólans á Suðureyri | mánudagurinn 4. apríl 2016

Bíókvöld

Þriðjudaginn (á morgun) 5.apríl verður bíókvöld í skólanum.

1-7.bekkur skulu mæta klukkan: 17:30 – 19:30.

Verð 300-kr.

Ekki er leyfilegt að mæta með gos eða nammi, einungis GÓÐA SKAPIÐ! :)

-Nemendaráðið

Þormóður Logi Björnsson Þormóður Logi Björnsson | miðvikudagurinn 30. mars 2016

Blár dagur föstudaginn 1. apríl

Klæðumst bláu á BLÁA DAGINN föstudaginn 1. apríl

Alþjóðlegur dagur einhverfunnar er á næsta leiti og föstudaginn 1.apríl næstkomandi hvetjum við alla til að klæðast bláu og vekja þannig athygli á málefnum einhverfra barna en blái liturinn hefur fest sig í sessi sem litur einhverfunnar um heim allan. Líkt og undanfarin ár er það BLÁR APRÍL Styrktarfélag barna með einhverfu, sem stendur fyrir deginum.

Markmið bláa dagsins er að vekja athygli á einhverfu og fá landsmenn alla til að sýna einhverfum stuðning sinn. Með aukinni vitund og þekkingu á einhverfu byggjum við upp samfélag sem er betur í stakk búið til að skilja þarfir einhverfra og virða framlag þeirra til samfélagsins. 

 


Meira
Emilia Agata Górecka Emilia Agata Górecka | miðvikudagurinn 30. mars 2016

Matseðill 29.mars - 1.apríl

Þriðjudagur 29.mars

Ofnsteiktur þorskur, hafragrjón, bankabygg, salat, brætt smjör

Miðvikudagur 30.mars

Kjuklingaleggir og lærir, ofnbakaðar kartöflur, salat, remouladisósa

Fimmtudagur 31.mars

Grjónagrautur, slátur, brauð með osti og eggi, grænmetibitar

Föstudagur 1.apríl

Steinbitur með osti, kartöflur, sósa, grænmeti

 

VERÐI YKKUR AÐ GÓÐU

Þormóður Logi Björnsson Þormóður Logi Björnsson | sunnudagurinn 27. mars 2016

Gleðilega páska

Gleðilega páska öll sömul.

Ég vona að hátíðin sé að fara vel með alla. Við sjáumst hress á þriðjudaginn kl 08:00 í skólanum.

Þormóður Logi Björnsson Þormóður Logi Björnsson | föstudagurinn 18. mars 2016

Vel heppnuð árshátíð

Á annað hundrað manns komu á tvær sýningar nemenda á Emil í Kattholti í gær og þökkum við þeim öllum kærlega fyrir komuna. Nemendur stóðu sig allir með prýði og voru skóla, foreldrum og samfélagi til mikils sóma. Að sýningu lokinni var diskó fram eftir nóttu og það voru sælir, sveittir og þreyttir nemendur sem héldu heim á leið eftir frábæran dag.

 

Myndir frá deginum má skoða hér og leikskrá aðgengileg hér.

 

Skólinn þakkar Víkingi Kristjánssyni kærlega fyrir frábæra leikstjórn og Klofningi fyrir að styrkja sýninguna okkar rausnarlega.  

               

 

Þormóður Logi Björnsson Þormóður Logi Björnsson | miðvikudagurinn 16. mars 2016

Árshátíð Grunnskólans á Suðureyri

Árshátíð  Grunnskólans á Suðureyri verður haldin á morgun 17. mars. Það verða tvær sýningar, kl. 17:30 og 20:00. Verð á sýningu er kr. 1.000 fyrir fullorðna og frítt fyrir börn 15 ára og yngri.

Nemendur mæta kl. 09:30 fimmtudag á æfingar. 17:00 á fyrri sýningu og 19:30 á þá seinni. Að seinni sýningu lokinni er diskó til 22:00 hjá yngri (1. - 4.) og 23:00 hjá eldri (5. - 10.). Á föstudag byrjar skólinn kl 09:40.

Við bættum við nokkrum myndum hér.

Við hlökkum til að sjá sem flesta.

Eldri færslur

« 2018 »
« Október »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Vefumsjón