Aðalfundur foreldrafélagsins verður haldinn fimmtudaginn 29. september n.k kl 17:00 í grunnskólanum.  

« 1 af 4 »

Miðdeildin skellti sér í haustferð í dag út að Brimnesi. Þau fóru upp nýja kindahliðið og upp á flugvöllinn. Tóku líka smá kapphlaup í leiðinni

Fyrirtækin Klofningur, Íslandssaga og Norðureyri færðu skólanum 12 Ipada að gjöf til að nýta við kennslu yngstu barnanna í skólanum. Kunnum við þeim bestu þakkir fyrir þessa veglegu gjöf. Yngstu nemendurnir nýta sér gjarnan tæknina við nám sitt hér í skólanum, með nýjum og öflugum spjaldtölvum verður enn auðveldara að nýta sér tæknina í leik og starfi. 

Skólasetning mánudaginn 22. ágúst. Nauðsynlegt er að nemendur komi með foreldrum/forráðamönnum

1.-4. bekkur mætir kl 10:00

5.-10. bekkur mætir kl 13:00

Kennsla hefst samkvæmt stundaskrá þriðjudaginn 23. ágúst

« 1 af 2 »

Í dag var útskrift hjá öllum árgöngum í Grunnskólanum á Suðureyri. Við kvöddum fimm nemendur sem útskrifuðust úr 10. bekk og halda út í komandi ævintýri. 

Hún Þóra Þórðardóttir gaf skólanum fjármagn til að kaupa sýningarskápa undir steinasafnið sem skólanum var gefið fyrir margt löngu. Við þökkum Þóru kærlega fyrir þessa veglegu gjöf. Steinasafnið má skoða á gula ganginum í íþróttahúsinu. 

« 1 af 2 »

Síðasti skóladagurinn var í dag. Nemendum var skipt upp í hópa og tóku þátt í ratleik en að honum loknum þá skelltu allir sér í sund. Eftir sundið var gætt sér á nýgrilluðum hamborgurum. Takk fyrir skólaárið og hafið það sem allra best í sumarfríinu. 

Útskrift 1. - 7. bekkjar er 1. júní kl 10:00 og útskrift unglingadeildar er sama dag kl 17:00.

« 1 af 8 »

Nemendur á miðstigi hafa brallað ýmislegt þessa síðustu viku í skólanum. Á mánudaginn fengu þau grjónagraut með kanilsykri, rúsínum og slátri eftir tiltekt í stofunni sinni. Á þriðjudaginn fóru þau í hjólaferð út á Skollasand og léku sér þar. Í dag fóru þau á Byggðasafnið á Ísafirði en eftir leiðsögn um safnið héldu þau í Raggagarð í Súðavík þar sem þau léku sér og grilluðu pylsur.

« 1 af 7 »

Góðan dag

Nemendur í 9. og 10. bekk hafa verið í skólaferðalagi þessa vikuna. Ferðin hófst með því að fara norður á Bakkaflöt. Veðrið lék við ferðalangana og var orðið ansi heitt í bílnum. Því var stoppað oft á leiðinni til að kæla sig niður. Þegar komið var á áfangastað var farið á hestbak og í loftbolta. Á öðrum degi var farið í flúðasiglingu, litabolta og klettaklifur. Nemendur sögðu að allt þarna væri geðveikt gaman! Matur og gisting til fyrirmyndar einnig. 

Á miðvikudegi var keyrt til Reykjavíkur. Byrjað var á að fara í Fly Over Iceland og bíó í Lúxus sal. Á fimmtudeginum var farið í Húsdýragarðinn, aðeins verslað og slappað af en um kvöldið var farið út að borða, í keilu og í ísbíltúr. Keyrt er vestur í dag, föstudag og áætluð heimkoma er kl 16. 

Á morgun, miðvikudaginn 18. maí, verður fatasund fyrir alla hópana í sundtímanum. Nemendur völdu fatasund sem umbun fyrir að lesa það mikið af bókum að þau fylltu út fimmtu hilluna í bókaskápnum okkar.