Hrönn Garðarsdóttir Hrönn Garðarsdóttir | föstudagurinn 3. desember 2021

Framkvæmdir

Nú er miklar framkvæmdir hafnar inni í skólanum okkar líkt og rætt var um á foreldrafundinum. Hér eru margir iðnaðarmenn að störfum innanhúss og utandyra. Því miður þá verður gólfið okkar frekar skítugt vegna þessa og viljum við því benda foreldrum á að sniðugt væri ef nemendur kæmu með inniskó með sér í skólann

Nemendur taka þessum breytingum vel og eru fljótir að tileinka sér ný svæði. 

Hrönn Garðarsdóttir Hrönn Garðarsdóttir | mánudagurinn 22. nóvember 2021

Jólaljós og Jólasveinar

1 af 3

Það var í rigningu og roki í morgun en með mikilli gleði sem nemendur grunnskólans og leikskólans kveiktu á ljósum jólastrésins í ár. Tveir jólasveinar römbuðu á söng barnanna og tóku þátt í gleðinni með okkur. Þeir sungu, gáfu mandarínur, fóru í eltingarleik og gáfu öllum gott hláturkast. 

Hrönn Garðarsdóttir Hrönn Garðarsdóttir | föstudagurinn 19. nóvember 2021

Kveikjum ljósin á jólatré bæjarins

Mánudaginn næsta, þann 22. nóvember, mun skólinn og leikskólinn hittast við jólarté bæjarins og kveikja saman á ljósum þess. Jólasveinar munur taka þátt í gleðinni með okkur og syngjum við nokkur lög saman. 

Hrönn Garðarsdóttir Hrönn Garðarsdóttir | þriðjudagurinn 16. nóvember 2021

Dagur íslenskrar tungu

Sælir foreldrar

Í dag er Dagur íslenskrar tungu. Nemendur héldu upp á þann dag með söng og ljóðalestri. Því miður gátum við ekki boðið foreldrum upp á að koma í skólann til að hlusta nemendur flytja sín atriði vegna Covid takmarkana. Þetta árið tókum við viðburðina upp og ætluðum að  senda foreldrum í tölvupósti en því miður eru skrárnar of stórar fyrir tölvupóst. Við munum vinna í því að koma myndskeiðunum til foreldra á næstu dögum. 

Hrönn Garðarsdóttir Hrönn Garðarsdóttir | þriðjudagurinn 9. nóvember 2021

Skólasókn nemenda

Sælir foreldrar

Við viljum minna á að Ísafjarðarbær starfar eftir ákveðnum viðbrögðum ef nemendur eru með ófullnægjandi skólasókn. Hér er linkur á upplýsingar Viðbrögð við ófullnægjandi skólasókn

 

Hrönn Garðarsdóttir Hrönn Garðarsdóttir | föstudagurinn 5. nóvember 2021

Halloween

Hrikalega Hræðilegt Halloween ball var haldið í skólanum i gærkveldi. Nemendur dönsuðu um allt hús, klædd búningum og fengu sér síðan ávexti og vatn. Fjörið var mikið og bros á hverju andliti. Þökkum unglingunum okkar fyrir þessa skemmtun.  

Hrönn Garðarsdóttir Hrönn Garðarsdóttir | föstudagurinn 29. október 2021

Vikan 25. -29. október

1 af 4

Það er aldeilis búið að vera mikið að gera hjá nemendum þessa vikuna.

Á miðvikudaginn komu til okkar tvær listakonu, þær Alda og Kristín, með listasmiðjuna Veður, fegurð og fjölbreytileiki. Einnig komu til okkar nemendur og kennarar frá Súðavík til að taka þátt í smiðjunni með okkur. Yngri hópurinn bjó til veðurtákn og rýndi í veðurkort. Eldri hópurinn vann um líffjölbreytileikann á norðurslóðum með litríkum óskafánum. 

Þess má geta að á föstudaginn kemur verður afrakstur alla skólanna sem tóku þátt í þessari listasmiðju til sýnis í Edinborgarhúsinu  frá kl 15-18. Allir eru hvattir til að kíkja á þessa sýningu. 

 

Í áhugasviðsverkefninu hefur verið unnið með Jól í skókassa. Margir hafa lagt þessu verkefni lið með fjárframlögum, gjöfum, heimaprjóni og fleiru. Við kunnum þeim okkar bestu þakkir. Nemendur gáfu alls 31 kassa þetta árið. 

Framundan í næstu viku er heimsókn unglingadeildar til Ísafjarðar að hlusta á Geðlestina sem er með fræðsluefni um geðheilsu ungmenna. Á miðvikudeginum fáum við tvö skáld til okkar, þau Kristínu Rögnu Gunnarsdóttur og Sverri Norland. Þau ætla að tala um Hvaðan koma allar þessar sögur? En rithöfundasamband Íslands er að ferðast um Ísland að heimsækja grunnskóla. 

 

Hrönn Garðarsdóttir Hrönn Garðarsdóttir | mánudagurinn 25. október 2021

List fyrir alla

Miðvikudaginn 27. október n.k munu listakonurnar Alda og Kristín koma til okkar á Suðureyri ásamt nemendum frá Súðavík. Frá kl 9 til kl 13:30 munu þær vinna með nemendum í tveimur aldurskiptum hópum í listasmiðju sem þær kalla Veður, Fegurð og Fjölbreytileiki. 

Dagurinn mun fara í listsköpun og samvinnu. 

Hrönn Garðarsdóttir Hrönn Garðarsdóttir | þriðjudagurinn 5. október 2021

Ný frétt á Facebook-Leiðsagnarnám

Á Facebook síðu skólans er komin kynning á Leiðsagnarnámi. 

https://www.facebook.com/Grunnsk%C3%B3linn-%C3%A1-Su%C3%B0ureyri-364426784315265

Hrönn Garðarsdóttir Hrönn Garðarsdóttir | mánudagurinn 27. september 2021

Vegna slæmrar veðurspá á morgun, þriðjudag

Ísafjarðarbær hefur gefið út viðmið hvenær loki eigi stofnunum vegna óveðurs. Þar kemur m.a fram að stofnunum bæjarins er ekki lokað nema algjöra nauðsyn beri til og geti forstöðumaður lokað stofnun af einni eða fleirum ástæðum;

-Tilmæli frá Almannavörnum eða Lögreglu

-Rafmagnsleysi kemur í veg fyrir að hægt sé að halda stofnuninni opinni

- Ófærð er svo almenn að ekki nái að kalla til lágmarks fjölda starfsmanna til að halda a.m.k skertri þjónustu

 

Foreldrar eru hvattir til að fylgjast með veðurspám og fréttum af veðri. Skólum verður ekki aflýst nema tilmæli komi frá Almannavörnum eða Lögreglu. Foreldrar verða að meta hvort óhætt sé fyrir börn þeirra að sækja skólann. Ef foreldrar velja að hafa börn sín heima þá þarf að láta skólann vita. 

Foreldrar eru hvattir til að fylgjast með á síðunum almannavarnir.is og vedur.is

Eldri færslur

« 2021 »
« Desember »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Vefumsjón