Þormóður Logi Björnsson Þormóður Logi Björnsson | fimmtudagurinn 5. október 2017

Öðruvísileikarnir

Á föstudaginn 6. okt. fara fram Öðruvísileikar á Flateyri. Á öðruvísileikunum koma nemendur í 1. - 7. bekk á Flateyri, Suðureyri, Súðavík og Þingeyri saman og skemmta sér og keppa í allskonar öðruvísi íþróttagreinum. Lagt verður af stað með rútu frá Suðureyri kl 08:20 og haldið til Flateyriar. Mikilvægt er að nemendur komi nestaðir og klæddir eftir veðri en svo verður öllum boðið upp á hádegismat kl 11:30 á Flateyri. Nemendur halda svo heim á leið 12:00 og áætluð heimkoma er um 12:30.

Bryndís Ásta Birgisdóttir Bryndís Ásta Birgisdóttir | miðvikudagurinn 4. október 2017

Hrekkjavökuball

Fimmtudaginn 5. október ætlar nemendaráðið að halda hrekkjavökuball í skólanum. Nemendur mega mæta í búningum og farið verður í allskonar leiki. Bannað er að koma með nammi og gos. Ekki gleyma góða skapinu heima. Ballið byrjar kl: 19:30. 1. - 4. bekkur er til kl: 21:00 og 5. - 10. bekkur er til kl: 21:30. Það kostar kr. 300,- inn. Bannað er að koma með sverð, byssur og önnur vopn.

Nemendaráðið.

Þormóður Logi Björnsson Þormóður Logi Björnsson | þriðjudagurinn 3. október 2017

Nýtt námsmat og mentor - foreldrakynning

Miðvikudaginn 4. okt kl 17:00 er foreldrum boðið upp á mentor kynningu í skólanum. Á þessu skólaári höfum við hafið samstarf við mentor. Mentor er kerfi sem heldur utan um stundatöflur, mætingar og námsframvindu nemenda. Á fundinum verður farið yfir aðgang foreldra og nemenda og hvernig námsmati verður háttað framvegis. Við hvetjum foreldra eindregið til að fjölmenna og kynna sér nýtt námsmat og mentor.

Emilia Agata Górecka Emilia Agata Górecka | mánudagurinn 2. október 2017

Matseðill

Mánudagur 2.okt

grjónagrautur, slátur, brauð með osti og kæfu, kanillsykur, rúsinur, grænmeti og ávextir

Þriðjudagur 3.okt

STARFSDAGUR

Miðvikudagur 4.okt

Grisagullas, kartöflur, salat, ávextir

Fimmtudagur 5.okt

Skyr, brauð með eggi, grænmeti og ávextir

Föstudagur 6.okt

Fiskur í raspi, kartöflur, köld sósa, grænmetissalat, ávextir

 

VERÐI YKKUR AÐ GÓÐU

Þormóður Logi Björnsson Þormóður Logi Björnsson | mánudagurinn 2. október 2017

Leiksýning fyrir miðstig

Á morgun þriðjudag 3. okt. er leiksýning kl 13:15 fyrir nemendur á miðstigi í Edinborgarhúsinu. Um er að ræða frumsýningu á leikritinu Oddur og Siggi á vegum Þjóðleikhúsins. Sýningin er nemendum að kostnaðarlausu og hægt er að nálgast nánari upplýsingar hér. Við hvetjum þá sem geta og/eða hafa tíma til að fjölmenna.

Vilborg Ása Bjarnadóttir Vilborg Ása Bjarnadóttir | mánudagurinn 2. október 2017

Lestrarátak

Nú er komið að fyrsta lestrarátaki vetrarins en það stendur til 27.október. Nemendur á yngra stigi fengu með sér blað heim í dag og nemendur í miðhóp fá það heim á miðvikudaginn. Við ætlum að byrja á fimmunni. Fimman felst í því að nemendur lesa þá bók sem þau eru með í heimalestri eða aðra að vild, lesa í 1 mínútu og merkja við hvað þau lásu langt. Síðan byrja þau aftur á sama stað og reyna að komast lengra en síðast. Þetta er endurtekið fimm sinnum. Með þessu er verið að þjálfa lesfimina og lestraröryggið.

Þormóður Logi Björnsson Þormóður Logi Björnsson | föstudagurinn 29. september 2017

Starfsdagur

Þriðjudaginn 3. okt. verður starfsdagur í skólanum. Kennarar og starfsmenn halda þá til Þingeyrar þar sem við munum sitja námskeið og vinna með samstarfsfólki okkar í Dýra- og Önundarfirði.

Við minnum á sundkennslu sem hefst á mánudaginn 2. okt. og heldur áfram miðvikudaginn 4. okt. og svo aftur mánudaginn 9. okt., þriðjudaginn 10. okt. og miðvikudaginn 11. okt.

Þormóður Logi Björnsson Þormóður Logi Björnsson | fimmtudagurinn 28. september 2017

Sundkennsla

Skólinn hefur gengið frá ráðningu á Páli Janus Þórðarsyni til að koma og sinna lotubundinni sundkennslu. Á mánudag 2. okt. og miðvikudag 4. okt. þurfa nemendur að koma með sundföt. Við höldum svo áfram með sund vikuna á eftir. 9., 10. og 11. okt. Búast má við einhverri röskun á stundatöflum þá daga sem sund er.

Við hvetjum foreldra eindregið til að nýta sundlaugina á milli sundtímana og eftir þá og fara með börnum í sund. Biðja þau að sýna ykkur hvað þau hafa lært og gefa þeim tækifæri til að æfa sig. Til að ná fram góðri færni í sundi er mikilvægt að nemendur fái þjálfun utan skóla. Sundkennslan fer svo aftur af stað í vor. Foreldrar fá fréttir af því þegar nær dregur.

Þormóður Logi Björnsson Þormóður Logi Björnsson | miðvikudagurinn 27. september 2017

Náttúrufræðival

Nemendur í 7. - 10. bekk taka þátt í vali líkt og undanfarin ár. Fjölbreytt val er í boði á vorin og allt það vinsælasta hjá nemendum er boðið upp á í vali skólaárið á eftir. Í ár völdu nemendur sér m.a. skólahreysti, heimilisfræði, áhugasvið, spænsku og útivist. Við skiptum árinu í 8 tímabil og nemendur staldra stundum stutt við í vali á meðan önnur taka meiri tíma.

Eitt slíkt val byrjaði í gær, náttúrufræðival. Í náttúrufræðivali fá nemendur stutta kynningu á lögmáli eða hugtökum og gera svo tilraunir, stórar og smáar sem tengjast hugtakinu eða lögmálinu. Í gær fengu nemendur kynningu á Newton og lögmálum sem hann setti fram. Að því loknu gerðu þau tilraunir.

Þormóður Logi Björnsson Þormóður Logi Björnsson | fimmtudagurinn 21. september 2017

Samræmd könnunarpróf

Nemendur í 7. bekk fóru í samræmt könnunarpróf í íslensku í dag. Eftir smá tæknilega erfiðleika komumst við af stað og að prófi loknu voru allir á því að þetta hefði bara verið gaman. Á morgun fara þau svo í stærðfræði könnunarpróf. Í næstu viku er svo komið að 4. bekk en þau fara í íslensku prófið á fimmtudaginn og stærðfræði prófið á föstudag.

Eldri færslur

« 2018 »
« Júlí »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjón