Jóna Benediktsdóttir Jóna Benediktsdóttir | föstudagurinn 31. janúar 2020

Síðasta vika janúar

Hér er sköpunargleðin alls ráðandi
Hér er sköpunargleðin alls ráðandi

Á næsta mánudag verður kominn febrúar og skólaárið meira en hálfnað og áður en við vitum af verður það búið.

Við erum nú að ljúka við að kanna orðaforðaþekkingu og málskilning allra nemenda með prófi sem kallast ,,Milli mála" og er hannað til að meta kunnáttu nemenda sem eru að læra skólamálið sem annað tungumál. Við ákváðum að leggja þetta próf fyrir alla nemendur til að fá tölulegar upplýsingar um orðaforðaþekkingu þeirra. Niðurstöðurnar verða kynntar í foreldraviðtölunum í febrúar. 

Unglingarnir fóru aftur í umferðarfræðslu á Ísafjörð í dag og munu fara aftur næsta föstudag. Þeir láta vel af fræðslunni og vonumst við til að þetta muni gagnast þeim vel.

Okkur finnst við nú vera að ná tökum á verkefninu sem við köllum ,,föstudagsverkefni". Nemendur eru farnir að skilja betur til hvers er ætlast af þeim og leggja meiri vinnu í verkefnin sín og gleði orðin meira áberandi. Þeir eru einnig farnir að skipuleggja tíma sinn betur og eru oft búnir að skipuleggja tvo föstudaga fram í tímann. Til að ramma verkefnið aðeins betur inn settum við nú skilyrði að öll verkefnin yrðu að innihalda í það minnsta eitt verk sem tengdist íslensku, eitt semtengdist stærðfræði og eitt sem tengdist erlendu tungumáli. Þá höfum við nú einnig sett viðmið vegna verkefnisins upp á vegg og kynnt þau fyrir nemendum svo þeir vita nákvæmlega hvað þeir þurfa að gera til að fá góða einkunn fyrir verkefnið sitt. Á þriðjudaginn verðum við svo með ráðgjafa úr Reykjavík sem er að aðstoða okkur við þetta verkefni.

 

Vilborg Ása Bjarnadóttir Vilborg Ása Bjarnadóttir | miðvikudagurinn 22. janúar 2020

Gul viðvörun

Nú er enn og aftur gul viðvörun vegna óveðurs í gildi fyrir Vestfirði á morgun.  Spáin gerir ráð fyrir hvassviðri eða stormi með vindhraða á bilinu 18 - 25 m/s. 

Foreldrar eru hvattir til að fylgjast með veðurspám og fréttum af veðri og fara að öllu með gát. 

Jóna Benediktsdóttir Jóna Benediktsdóttir | þriðjudagurinn 21. janúar 2020

Fréttir vikunnar 20.-24.janúar

Nemendur miðstigs með nýju heyrnartólin.
Nemendur miðstigs með nýju heyrnartólin.
1 af 7

Skólastarfið hefur að mestu leyti verið í hefðbundinum skorðum þessa vikuna, á fimmtudaginn var þó enn einn óveðursdagurinn og kennsla raskast alltaf eitthvað þegar vantar marga nemendur en við því er ekkert að gera.

Miðstigið er að vinna að umhverfisverkefni í samfélagsfræði. Til að byrja með er áherslan á mismuninn á því sem maður þarfnast og það sem mann langar í. Þar er einnig verið að flokka rusl og vigta og skoða hvort eitthvað er hægt að gera til að minnka ruslið sem kemur frá þeim á skólatíma.  Þetta verkefni mun taka nokkrar vikur og ætlunin er að breiða það út til annarra nemenda og skólasamfélagsins í heild.

Nemendur á miðstigi geta nú einnig fengið afnot af heyrnartólum þegar þeir eru að vinna verkefni á ipad í skólanum, það var mikil gleði þegar þeir fengu að prófa þau í fyrsta skipti.

Í tengslum við verkefnið okkar um eflingu orðaforða hjá nemendum höfum við nú fengið aðgang að prófi til að meta íslenskukunnáttu nemenda sem eru með erlendan bakgrunn. Prófið heitir ,,Milli mála" og er einstaklingspróf hannað af Elínu Þöll Þórðardóttur og samstarfsmönnum hennar við háskólann í Ontario í Kanada. Við vonumst til að verða búin að prófa alla fyrir foreldraviðtöl svo við getum gefið herjum og einum gleggri upplýsingar um stöðuna í íslenskunni. 

Nú í morgun varð svo óvænt uppákoma hjá okkur þegar við fengum Einar Mikael töframann í heimsókn. Það má segja með sanni að nemendur hafi veirð heillaðir upp úr skónum og eins og sjá má á meðfylgjandi myndum fengu þeir líka að taka þátt í nokkrum töfrabragðanna.

Jóna Benediktsdóttir Jóna Benediktsdóttir | föstudagurinn 17. janúar 2020

17.janúar 2020

Þessi vika var mjög óvenjuleg hjá okkur þar sem óveður og ófærð settu strik í reikninginn í þrjá daga.  Ég þakka foreldrum fyrir hversu vel þeir fylgdust með á facebooksíðu skólans því upplýsingar komu ekki alltaf með löngum fyrirvara. Einnig mundu langflestir eftir að láta vita hvort börnin yrðu heima eða kæmu í skólann. Eins og áður hefur komið fram hefur Ísafjarðarbær sett þá vinnureglu að skólum sé ekki lokað nema um það komi tilmæli frá Almannavörunum eða lögreglu, það átti við um miðvikudaginn 15.janúar og því var skóla aflýst þann dag. Ef foreldrar telja ekki óhætt að senda börn í skóla vegna veðurs eru þeir beðnir um að tilkynna það til skólans. Miða má við að ef appelsínugul viðvörun er í gangi frá Veðurstofu Íslands geti verið erfitt fyrir börn að fara um og ef aðstæður eru þannig að ekki sé hægt að fylgja þeim þá er betra að hafa þau heima heldur en að senda þau út í óvissu. Nemendur fá ekki fjarveruskráningu við slíkar aðstæður.

En nú vonum við að þessari ótíð sé lokið og við getum haldið áfram okkar starfi með venjubundnum hætti.

Næstu þrjá föstudaga frá 9:40-11:00 munu 8.-10.bekkur fara í umferðarfræðslu til Auðar Yngvadóttur ökukennara. Auður er umsetinn kennari og til að nýta tímann sem best mun Sophus keyra krakkana okkar á Ísafjörð og Bryndís fylgir þeim þangað. Vonandi mun þessi fræðsla nýtast þeim í umferðinni. 

Kveðja

Jóna 

Jóna Benediktsdóttir Jóna Benediktsdóttir | miðvikudagurinn 15. janúar 2020

Vegna óveðurs og ófærðar

Er skólahaldi aflýst í dag.
Schooling is canceled today
Edukacja jest dziś anulowana

Jóna Benediktsdóttir Jóna Benediktsdóttir | mánudagurinn 13. janúar 2020

Óveðursspá

Jæja gott fólk, nú er enn og aftur komin appelsínugul viðvörun frá Veðurstofunni fyrir okkar svæði fyrir morgundaginn. Ég minni á að samkvæmt reglum frá Ísafjarðarbæ verður skólanum ekki lokað nema um það komi tilmæli frá almannavörnum. Foreldrar eru beðnir um að fylgjast vel með veðri og gæta þess að senda börnin ekki út í neina óvissu. Þeir sem kjósa að hafa börn sín heima þegar svona stendur á eru beðnir um að tilkynna skólanum það. Nemendur fá ekki fjarvist þegar svona er. Það má tilkynna með því að senda póst á jonab@isafjordur.is, senda okkur skilaboð hér á facebook eða hringja í skólann í síma 450 8390.

Jóna Benediktsdóttir Jóna Benediktsdóttir | föstudagurinn 10. janúar 2020

Fréttir úr skólanum eftir fyrstu viku ársins 2020

Bekkjarsáttma´li unglingastigs.
Bekkjarsáttma´li unglingastigs.

Í skólanum er allt komið í fullan gang að nýju.  Óveður hefur sett nokkuð strik í reikninginn hjá okkur eins og öðrum þessa vikuna og við getum búist við að svo verði áfram í þeirri næstu. Ísafjarðarbær hefur sett samræmdar reglur um að skólum skuli ekki lokað nema um það komi tilmæli frá almannavörnum.  Þegar veður er mjög slæmt er foreldrum í sjálfsvald sett hvort þeir senda börnin í skólann eða ekki, aðeins þarf að láta okkur vita. Nemendur fá ekki fjarvistir eða leyfi skráð ef appelsínugul viðvörun er í gangi af hálfu Veðurstofu Íslands.

Nemendur á unglingastigi ákváðu að endurskoða bekkjarsáttmálann sinn til að bæta þar inn greinum um skoðanafrelsi og málfrelsi sem þó var skilyrt við að ekki mætti særa aðra. Þessi viðbót sýnir vel hversu vel Uppbygging sjálfsaga, sem við notum hér í skólanum, styður við lýðræðislega vinnu og ég tel þetta mjög þroskað af ekki eldra fólki og alveg greinilegt að hér eru framtíðar leiðtogar á ferð. 

Nemendur fást við fjölbreytt verkefni að eigin vali á föstudögum, nú er þemað persónur úr kvikmyndum. Nemendur hafa frjálsar hendur um hvað þeir gera og hvernig þeir vinna að þessu í 14 kennslustundir og svo eru skil þar sem þeir kynna hver fyrir öðrum sín viðfangsefni.  Til að skerpa aðeins á námsþáttum ákváðum við að setja sem skilyrði að allir þyrftu að skila einu verkefni á erlendu máli, einu sem tengdist íslensku og einu sem tengdist stærðfræði. það væri gaman og gagnlegt ef foreldrar vildu ræða þessi verkefni aðeins við nemendur heima til að heyra um hvað þeir hafa kosið að gera og hvernig þeir hyggjast skila afrakstrinum. Eins eru foreldrar alltaf velkomnir á kynningar og næsta kynning verður föstudaginn 17.janúar kl.11:00.

Jóna Benediktsdóttir Jóna Benediktsdóttir | miðvikudagurinn 8. janúar 2020

Slæm veðurspá fyrir fimmtudag 9.jan

Jæja gott fólk, nú er aftur komin appelsínugul viðvörun frá Veðurstofunni fyrir okkar svæði fyrir morgundaginn. Ég minni á að samkvæmt reglum frá Ísafjarðarbæ verður skólanum ekki lokað nema um það komi tilmæli frá almannavörnum. Foreldrar eru beðnir um að fylgjast vel með veðri og gæta þess að senda börnin ekki út í neina óvissu. Þeir sem kjósa að hafa börn sín heima þegar svona stendur á eru beðnir um að tilkynna skólanum það. Nemendur fá ekki fjarvist þegar svona er. Það má tilkynna með því að senda póst á jonab@isafjordur.is, senda okkur skilaboð á facebook eða hringja í skólann í síma 450 8390.

Emilia Agata Górecka Emilia Agata Górecka | mánudagurinn 6. janúar 2020

Matseðill 6-10.janúar

Mánudagur

Tikka Masala kjuklingur, hýðishrísgrjón, grænmeti og ávextir

Þriðjudagur

Fiskur í raspi, kartöflur, grænmeti og ávextir

Miðvikudagur

Hakk og spagettí, grænmeti og ávextir

Fimmtudagur

Fiskibollur, kartöflur, sósa, grænmeti og ávextir

Föstudagur

Grænmeti og baunaréttur, grjón, grænmeti og ávextir

 

Jóna Benediktsdóttir Jóna Benediktsdóttir | föstudagurinn 3. janúar 2020

Skóli hefst eftir jólafrí

Um leið og við óskum ykkur gleðilegs nýs árs og þökkum fyrir það sem liðið er minnum við á að skóli hefst samkvæmt venjulegri stundaskrá á mánudaginn. Við hlökkum til að hitta alla hressa, káta og vel úthvílda eftir fríið.

Eldri færslur

« 2020 »
« Júlí »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Vefumsjón