VALMYND ×

Fréttir

Bólusetning barna í 1.- 6. bekk

Sælir foreldrar

Á síðu Landlæknis eru leiðbeiningar um hvernig á að skrá barnið sitt í bólusetningu. Hér er hlekkur inn á þær upplýsingar https://www.landlaeknir.is/um-embaettid/frettir/frett/item48458/Samthykkisferli-fyrir-bolusetningar-5-11-ara-barna-er-virkt-7-1-2022

Nemendur í grunnskólanum á Suðureyri verða bólusett fimmtudaginn 13. janúar á Heilsugæslunni á Ísafirði.

Börn fædd í janúar-júní í 1-6.bekk verða bólusett kl 14:50. Börn fædd í júlí -desember verða bólusett kl 15:00

Skólahald hefst

Sæl öll og gleðilegt nýtt ár

Skólahald hefst þriðjudaginn 4. janúar samkvæmt stundaskrá. Því miður er framkvæmdum ekki lokið og verður því kennt á sama stað hjá yngsta stigi og unglingunum. 

 

Föndurdagar

Sæl öll sömul. 

þann 15. og 16. desember verða föndurdagar hjá okkur í skólanum og fellur því sundið niður. Nemendum er skipt upp í 4 hópa og skiptast á að fara á milli föndurstöðva hjá kennurunum. 

Jólahefðir í Safnahúsinu

Allur skólinn hélt til Ísafjarðar í morgun til að fara á sýningu um hinar ýmsu jólahefðir sem tíðkast í heiminum. Skrítnasta hefðin kom frá Katalóníu. En þar er svokallaður kúkadrumbur sem kúkar jólagjöfum ef hann er laminn með priki. Súr gúrka á jólatré fannst þeim fyndið skraut á jólatréð en slíkt tíðkaðist líklega í Þýskalandi/Bæjaralandi í gamla daga. 

Framkvæmdir

Nú er miklar framkvæmdir hafnar inni í skólanum okkar líkt og rætt var um á foreldrafundinum. Hér eru margir iðnaðarmenn að störfum innanhúss og utandyra. Því miður þá verður gólfið okkar frekar skítugt vegna þessa og viljum við því benda foreldrum á að sniðugt væri ef nemendur kæmu með inniskó með sér í skólann

Nemendur taka þessum breytingum vel og eru fljótir að tileinka sér ný svæði. 

Jólaljós og Jólasveinar

1 af 3

Það var í rigningu og roki í morgun en með mikilli gleði sem nemendur grunnskólans og leikskólans kveiktu á ljósum jólastrésins í ár. Tveir jólasveinar römbuðu á söng barnanna og tóku þátt í gleðinni með okkur. Þeir sungu, gáfu mandarínur, fóru í eltingarleik og gáfu öllum gott hláturkast. 

Kveikjum ljósin á jólatré bæjarins

Mánudaginn næsta, þann 22. nóvember, mun skólinn og leikskólinn hittast við jólarté bæjarins og kveikja saman á ljósum þess. Jólasveinar munur taka þátt í gleðinni með okkur og syngjum við nokkur lög saman. 

Dagur íslenskrar tungu

Sælir foreldrar

Í dag er Dagur íslenskrar tungu. Nemendur héldu upp á þann dag með söng og ljóðalestri. Því miður gátum við ekki boðið foreldrum upp á að koma í skólann til að hlusta nemendur flytja sín atriði vegna Covid takmarkana. Þetta árið tókum við viðburðina upp og ætluðum að  senda foreldrum í tölvupósti en því miður eru skrárnar of stórar fyrir tölvupóst. Við munum vinna í því að koma myndskeiðunum til foreldra á næstu dögum.