Miðvikudag, fimmtudag og föstudag er vetrarfrí í skólanum. Við óskum nemendum og foreldrum góðrar helgar og hlökkum til að sjá alla hressa á mánudaginn 6. mars.
Við minnum á samræmd próf í 9. og 10. bekk sem fara fram 8. og 10 mars.
Á morgun miðvikudaginn 1. mars verður hið árlega öskudagsball foreldrafélags Grunnskólans og íþróttafélagsins Stefni. Ballið verður haldið í félagsheimilinu og byrjar klukkan 17:00. Kötturinn verður sleginn úr tunnunni og tunnukóngur kringdur. Aðgangur er 300 krónur. Nú er bara að skella sér í búning og skemmta sér með börnunum á öskuballi.
Hlökkum til að sjá ykkur.
Stjórn foreldrafélagsins og Íþróttafélagið Stefnir.
Um jólin létum við bólstra stóla sem voru orðnir frekar lúnir og í vikunni fengum við svo ný borð í hús fyrir yngri nemendur. Nemendur í eldri hóp stóðu sig frábærlega í að setja saman borðin fyrir yngri nemendur og þökkum við þeim kærlega fyrir aðstoðina. Nú eru allir nemendur komin með nýja stóla eða borð og aðstæður til náms orðnar mun betri í skólanum.
Í gær fór fram undankeppni Stóru upplestrarkeppninnar, haldin á Þingeyri. Nemendur úr 7. bekk hjá okkur tóku þátt og stóðu sig með prýði. Við þökkum fyrir flotta keppni og óskum þeim sem fara áfram fyrir hönd litlu skólanna til hamingju og velfarnaðar í keppninni.
Við minnum á foreldrakönnun Skólapúlsins sem er í fullu gangi núna. Foreldrar hafa fengið sendan hlekk og lykilorð til að taka þátt í könnuninni. Það er skólanum mjög mikilvægt að heyra frá foreldrum hvað gengur vel og hvað má betur fara í skólastarfinu. Því biðjum við foreldra að bregðast við og svara könnuninni.
Nánar má lesa um könnunina í frétt sem birt var 18. janúar hér.
Nú er komið að því, þorrablót foreldrafélags grunnskólans verður haldið í kvöld. Húsið opnar klukkan 18:30 og borðahald hefst klukkan 19:00. Miðaverð er 700 krónur.
Fyrri þá sem hafa ekki skráð sig en vilja skella sér þá eru enn nokkur sæti laus.
Nú er um að gera að taka með sér góða skapið og skemmta sér með börnum okkar og búa til skemmtilegar minningar.
Hlökkum til að sjá ykkur. Stjórnin.
Nemendur í 1 og 2. Bekk fóru út í smiðjutíma og skoðuðu nærumhverfi skólans og skóginn í hlíðinni.
Farið var í leiki og gróðurinn skoðaður. Nemendur veltu fyrir sér hvort vorið væri handan við hornið.
Hægt er að skoða fleiri myndir frá ferðinni hér.
Nemendur í Skólahreystivali fóru í vikunni í heimsókn í Bolungarvík til að skoða og prufa hreystibrautina þar. Þetta gekk auðvitað ljómandi vel og erum við reynslunni ríkari. Við fengum góða aðstoð frá heimamönnum, nokkrum hressum 4. bekkingum sem gáfu ekkert eftir í keppnum við unglingana okkar. Að sjálfsögðu tókum við fullt af myndum og það er hægt að skoða þær hér.
Ástrós Þóra Valsdóttir mun sjá um íþróttir og sund út skólaárið. Við bjóðum hana auðvitað hjartanlega velkomna í hópinn.
Á morgun miðvikudag 8. febrúar fara nemendur í sund í stað íþrótta. Sund verður framvegis á þriðjudögum og miðvikudögum.
Við gætum þurft að taka nokkrar vikur þar sem það verður einnig sund á mánudögum. Við látum vita ef af því verður.
Febrúar er hjartamánuðurinn og við fögnum honum á morgun, föstudaginn 3. febrúar með því að mæta í rauðu í skólann.
Árið 2009 fór Ísland í samstarf með alþjóða hjartasamtökunum og GoRed verkefninu með megináherslu á konur og hjartasjúkdóma. Verkefnið hefur síðan þróast hjá þeim í gegnum árin og að þessu sinni er allur mánuðurinn undir, efnið óháð kyni og aldri því hjartaheilsa varðar alla. Við ætlum að sjálfsögðu að taka þátt í þessu og hvetjum alla til að klæðast rauðu á morgun.
Nánari upplýsingar um hjartamánuð má nálgast á facebook síðu verkefnisins hér eða á twitter @gorediceland undir myllumerkinu #hjartaðmitt
