« 1 af 5 »

Skólablak eru blak viðburðir fyrir grunnskóla krakka í 4.-6. bekk um allt land. 12 nemendur frá Grunnskólanum á Suðureyri fóru í morgun og tóku þátt í Skólablakinu. 

Markmiðið með skólablaki er að kynna krökkum og kennurum fyrir blakíþróttinni, einfalda kennsluaðferðir og auka sýnileika hennar á landsvísu. Einnig er þetta þetta frábær vettvangur fyrir hópefli fyrir nemendur og mikil skemmtun fyrir alla. Markmiðið er einnig að halda þessi viðburði árlega.
Öllum skólum á landinu er boðið að taka þátt með nemendur í 4.-6. bekk.

« 1 af 3 »

Í morgun bauð Kómedíuleikhúsið nemendum 1. - 7. bekk upp á leiksýninguna Tindátarnir, sem er byggð á samnefndri ljóðabók Steins Steinarrs. Leiksýningin er sett upp sem skuggabrúðuleikhús, sem er lítið notað leikhúsform hér á landi, en fangaði vel athygli nemenda. 

Sýningin var vegna samnings Ísafjarðarbæjar við leikhúsið og erum við afar þakklát fyrir að fá tækifæri til að njóta leiksýningar.

Nemendur í 1. - 7. bekk fóru í Edinborgarhúsið á viðburðinn Dýratónar. Dýratónar er viðburður þar sem tónlist og líffræði takast í hendur. Það eru tónlistarkonan Sóley Stefánsdóttir og líffræðingurinn Edda Elísabet Magnúsdóttir sem taka höndum saman og leiða börn eftir tónstigum og taktsviðum dýraríkisins.

Seinna í vikunni munu þær Sóley og Edda heimsækja 5. 7. bekk og vinna með þeim verkefni út frá Dýratónum. 

https://listfyriralla.is/event/dyratonar/ 

« 1 af 4 »

Nemendu í 4. - 7. bekk tóku þátt í hinu alþjóðlega verkefni Jól í skókassa. Verkefnið snýst um að útbúa jólagjöf handa börnum sem lifa við fátækt, sjúkdóma og erfiðleika. Safnað hefur verið ritföngum, leikföngum, sælgæti, fötum og hreinlætisvörum i skókassa með styrkjum frá Klofning, Íslandssögu, kvenfélaginu Ársól og heimafólki. Við kunnum þeim okkar bestu þakkir fyrir. 

Alls fylltu nemendur 41 skókassa af dásamlegum jólagjöfum!

Við fengum leiksýninguna til okkar 20. október s.l

Krakkarnir í hverfinu er leikþáttur þar sem brúður eru notaðar til að fræða börnin um ofbeldi og mikilvægi þess að börn segi frá. Brúðurnar ræða saman um það sem þær hafa lent í. Jóhanna segir frá því hvernig kærasti mömmu hennar snerti hana á óviðeigandi hátt og hvaða hjálp hún fékk eftir að hún sagði frá. Stefán segir vini sínum frá því hvernig mamma Stefáns beitti hann ofbeldi og hvernig þau fengu bæði hjálp eftir að hann sagði kennaranum sínum frá.

​Af hverju Krakkarnir í hverfinu? Með því að nota brúður til að tala við og svara spurningum um þennan viðkvæma málaflokk er oft hægt að ná betur til barna. 

« 1 af 2 »

Nemendur grunnskólans tóku þátt í Ólympíhlaupi ÍSÍ mánudaginn 3. október. Hér áður fyrr var þetta árlega hlaup kallað Norræna skólahlaupið og hefur verið fastu liður í mörgum skólum frá árinu 1984. Tilgangur hlaupsins er að hvetja nemendur til að hreyfa sig og stuðla þar með að betri heilsu og vellíðan. Þrjár vegalegndir voru í boðið eftir aldurstigum en öllum frjálst að fara þá vegalegnd sem úthald var fyrir.  Okkar hópur hljóp alls 239.4 km sem er stórkostlegur árangur!

Sælir foreldrar.
Nemendur okkar í grunnskólanum er alls ekki klædd eftir veðri í dag. Þau hanga við útidyrahurðina, blaut og köld. Það er mjög mikilvægt að þau séu með viðeigandi fatnað til að geta leikið sér úti sama hvernig veðrið er.
Kveðja, Hrönn

Þjóðleikhúsið bauð nemendum okkar í 9.-10 bekk á leiksýningun Góðan daginn faggi í Edinborgarhúsinu. Leiksýningin er sjálfsævisögulegur heimildarsöngleikur þar sem farið er yfir fordóma í samfélaginu sem leikarinn, Björn Snæbjörnsson upplifði, skömmina og ástæðu þess að hann fékk taugaáfall 40 ára gamall. 

« 1 af 4 »

Á fimmtudaginn s.l fóru nemendur í 3.-7. bekk í heimsókn í Ísafjarðarkirkju og sáu sýningu um orgel. Á föstudaginn kom til okkar kona að nafni Sigrún Magna og var með orgelsmiðju fyrir nemenduna. Þær Guðný Einarsdóttir og Sigrún Magna stóðu að orgel krakkahátíð hér fyrir vestan og kunnum við þeim bestu þakkir fyrir. 

Aðalfundur foreldrafélagsins verður haldinn fimmtudaginn 29. september n.k kl 17:00 í grunnskólanum.