« 1 af 15 »

Nemendur sýndu leikþætti á Árshátíð Grunnskólans sem var á þriðjudaginn. Þemað hjá okkur var þjóðsögur og tækni. Allir hópar voru búinir að semja sitt atriði og stóðu þau sig öll mjög vel. Þetta var mjög skemmtilegt og ekki annað að heyra en að þau skemmtu sér líka. Að sjálfsögðu var skellt í ball að lokinni sýningu. 

Á fimmtudaginn fengum við þá Frach bræður í heimsókn en þeir buðu nemendum á yngsta og miðstigi að hlusta. Þeir spiluðu Árstíðirnar eftir Vivaldi. Ýmislegt annað skemmtilegt gerðu m.a. að spila þrír á eina fiðlu. Þeir útskýrðu vel hljóðin sem tákna fugla, vindinn og rigninguna. Þetta var mjög skemmtilegt og það var ekki annað að sjá en að nemendur sem og kennarar nutu tónlistarinnar.

Einnig fengum við hana Birgittu Birgisdóttur leikstjóra í heimsókn. Hitti hún miðstig og bauð upp á leiklistasmiðju fyrir þau. Þessi atriði voru í tengslum við Barnamenningarhátíðina Púkann . 

Nú er komið páskafrí og skóli hefst að nýju þriðjudaginn 22.apríl samkvæmt stundarskrá. Vonum að þið hafið það sem allra best um páskana með ykkar fólki.

Gleðilega páska

Undirbúningur fyrir Árshátíðina er í fullum gangi þessa vikuna. Söngur heyrist frá kennslustofum og nemendur eru byrjaðir að æfa inn í Félagsheimili. Mikil spenna og gleði svífur yfir öllum. 

Árshátíðin okkar verður þriðjudaginn 8.apríl. Þemað í ár er Þjóðsögur. Við bjóðum upp á tvær sýningar eins og vanalega. Fyrri sýning hefst kl:17:00 og seinni sýningin er kl:20:00. Ball verður fyrir nemendur eftir seinni sýningu og reiknað með að því verði lokið kl: 22:00 

Á þriðjudaginn eiga nemendur að mæta kl:9:00. Generalprufa verður klukkan 10:00. Nemendur mæta síðan fyrir sýningar sem hér segir. 

Mæting í félagsheimilið á þriðjudaginn.

• Klukkan16:30 fyrir fyrri sýningu
• Klukkan 19:30 fyrir seinni sýningu.   

Hlökkum til að sjá ykkur.

« 1 af 5 »

Undirbúningur fyrir árshátíð er í fullum gangi. Verið er að gera leikmuni út um allan skóla. 

Í dag var Bókmenntahátíð á Flateyri og kíktum við með yngsta - og miðstig ásamt nemendum í 8. bekk. Þar fengum við að heyra í tveim rithöfundum, þeim Elísabetu Thoroddsen og Bergrúni Írisi.  Elísabet las upp úr bók sinni Rugluskógur en hún kemur út í maí. Við vorum fyrst til að heyra lesið upp úr þessari bók sem var mjög skemmtileg. Bergrún Íris sagði okkur frá sjálfri sér og hvað hún gerir. Las síðan upp úr bók sinni Kennarinn sem hvarf. Nemendur fengu að spyrja þær spurninga. Báðar voru þær með hugmyndir af nýjum bókum sem þær eru að fara að skrifa. 

Bókmenntahátíðin stendur til 30.mars og er opin öllum. 

Nemendur í 9. og 10. bekk fóru í heimsókn í dag í Menntaskólann á Ísafirði. Þar var verið að kynna fyrir þeim skólann og það sem hann hefur upp á að bjóða. Einnig voru nokkrir háskólar með kynningu. 

Góða helgi. 

« 1 af 9 »

Það er búið að vera mikið fjör hjá okkur þessa vikuna. Unglingastig ásamt nemendum frá Flateyri og Þingeyri  unnu stuttmynd undir stjórn Erlings Óttars Thoroddsen leikstjóra. Þau sömdu handritið, tóku upp og klipptu myndirnar. Þetta verkefni er samstarfsverkefni RIFF og barnamenningarhátíðinnar Púkans en hátíðin hefst í lok mánaðarins. Afraksturinn, fimm stuttmyndir verða sýndar á þá. 

Á fimmtudaginn fóru nemendur í 9. og 10. bekk til Reykjavíkur á "Mín framtíð" sem haldin er í laugardalshöllinni. Þar gefst nemendum tækifæri til að skoða allt það sem er í boði til að læra eftir grunnskólann. Þau fóru einnig í keilu og heimsóttu Alþingi en hún Arna Lára Jónsdóttir tók á móti hópnum.  

« 1 af 11 »

Það er búið að mikið um að vera þessa vikuna. Nemendur fengu bollur í tilefni bolludags sem unglingar voru búnir að baka. Í dag var farið í Tarzanleik í íþróttasal, þar var mikið fjör. Allskonar fígúrur voru á sveimi í salnum m.a. kúreki, prinsessa, norn,  Stich, Ironman, fiðrildi og margir fleiri. Nemendur og kennara fóru síðan í heimsókn í Klofning og Íslandssögu og sungu fyrir starfsfólk. Mikil gleði var í hópnum. 

Á morgun er Stóra upplestrarkeppnin og það er hún Árdís Níní sem keppir fyrir hönd litlu skólanna ásamt Freyju Dís frá Þingeyri. 

Í dag var undankeppnin fyrir Stóru upplestrarkeppnina sem verður í næstu viku. Nemendur í 7. bekk taka þátt. Undankeppnin fór fram á Þingeyri. Árdís Níni okkar var valin sem varamaður en aðalmaður kom frá Þingeyri. 

Það verður stutt vika í næstu viku. Bolludagur er á mánudaginn, Sprengidagur á þriðjudaginn og Öskudagur á miðvikudaginn. Allir eru hvattir til þess að mæta í búningi í skólann á Öskudaginn. Allir fylgihlutir s.s. sverð, byssa eða annað slíkt er ekki leyfilegt að koma með. 

Vetrarfrí verður fimtudaginn 6. og föstudag 7. mars. Skólahald hefst aftur, samkvæmt stundarskrá, mánudaginn 10.mars.

« 1 af 7 »

Á síðasta föstudag var nemendaþing hér hjá okkur.  Þá unnu nemendur með einkunnarorð skólans sem eru

ÁSTUNDUN - ÁRANGUR - ÁNÆGJA.

Nememndur veltu þessum orðum fyrir sér og hvað átt er við  með þeim, ásamt því að tengja þau við nám. 

Niðurstöður voru teknar saman og verða kynntar fljótlega fyrir nemendum og sett hér inn á síðuna. 

Mánudaginn 24.febrúar er starfsdagur hjá okkur og því enginn kennsla hjá nemendum. Kennsla hefst að nýju þriðjudaginn 25. febrúar samkvæmt stundarskrá. 

« 1 af 5 »

Í dag var lokahátíð hjá okkur á verkefninu Bókin mín en það er hluti að samvinnuverkefni sem við erum að gera með grunnskólunum á Flateyri og Þingeyri. Nemendur gerðu smásögur sem sett var saman í bók. Foreldrum var boðið í heimsókn til okkar í dag í  bókakaffi þar sem boðið var upp á kaffi og vöfflur og að sjálfsögðu að skoða bókina okkar. Þetta heppnaðist mjög vel og þökkum við foreldrum kærlega fyrir komuna. 

Á bóndadag var lopapeysudagur hjá okkur og boðið var upp á þorrasmakk. Nokkrir smökkuðu súrmat í fyrsta skipti. 

Í dag fékk Grunnskólinn að gjöf hjartastuðtæki frá Oddfellowstúkunum á Ísafirðir. Það voru hjónin Ingólfur Þorleifsson og Guðrún Oddný Schmidt sem afhentu skólastjóra tækið fyrir hönd Oddfellows. Við þökkum kærlega fyrir. 

« 1 af 5 »

Desember hefur liðið hratt enda búið að vera nóg að gera. Nemendur hafa verið að gera jólakort og jólaskraut.  

Litlu jólin voru hjá okkur í dag. Helgileikur sem yngsa stig bauð upp á og 10.bekkur sá um að lesa upp jólasögu og jólaljóð. Nemendur dönsuðu í kringum jólatré og að sjálfsögu fengum við jólasveina í heimsókn.  

Skólahald hefst aftur 6.janúar.

Við óskum ykkuröllum gleðilegra jólahátíðar með kærri þökk fyrir árið sem er að líða.