Á morgunn þann 6 janúar ætlar hann Bjarki Pétursson að koma til okkar í skólann og kynna fyrir okkur sjálfsvörn, 4-10 bekkur fær því að vera í íþróttum í tvær kennslustundir í stað einnar.
Hlökkum til að fá þessa kynningu og vonandi viðbót í íþróttirnar okkar hérna á Suðureyri.
Mánudagur 4.jan
Hakk og spaghetti, salat
Þriðjudagur 5.jan
Fiskur í raspi, soðnar kartöflur, grænmeti
Miðvikudagur 6.jan
Kjötsúpa, brauð
Fimmtudagur 7.jan
Grænmetisbuff, kartöflur, sósa, salat
Föstudagur 8.jan
Fiskibollur, hrisgrjón, sósa, grænmeti
Verði ykkur að góðu
Skólablað grunnskólans er komið í hús. Blaðið er 40 blaðsíður, fullt af skemmtilegu efni frá nemendum skólans. Nemendur munu í kvöld og á morgun bera það út og selja. Við biðjum fólk að taka vel á móti þeim. Blaðið í ár kostar 1.000 kr. Hægt er að staðgreiða eða leggja inn á reikning: 0174-05-420260 kt: 560686-1459.
Í dag voru litlu jólin haldin hátíðleg. Nemendur skiptust á jólakortum og pökkum. Jólasveinar komu í heimsókn og við sungum og dönsuðum í kring um jólatré. Myndir frá litlu jólunum má skoða hér og myndband hér.
Starfsfólk skólans óskar nemendum, aðstandendum og bæjarbúum öllum gleðilegra jóla og farsældar á nýju ári. Við þökkum kærlega fyrir samstarfið á árinu og hlökkum til að vinna með ykkur á því næsta.
Við sjáumst öll hress og endurnærð 4. janúar kl 08:00.
Nú fer að líða að lokum hjá okkur fyrir jólafrí. Á föstudaginn er síðasti dagur fyrir jólafrí og þá verða litlu jólin hérna hjá okkur. Nemendur mæta klukkan 9:00 með lítinn jólapakka með sér til skiptanna en miðað er við að hann kostin ekki meir en 500 kr. Reiknað er með því að þessu ljúki hjá okkur um 11:30.
Á morgun fimmtudag ætlar skólinn að bjóða upp á heitt súkkulaði og smákökur í seinni frímínútum og mega nemendur mæta með smákökur með sér ef þau vilja.
Í dag og í gær hefur verið jólaþema í skólanum. Nemendur búa til jólasveina og jólatré úr viði og pappír, mála kerti og búa til jólakúlur úr garni. Á morgun verður gæðastund með umsjónarkennurum. Skólinn býður upp á heitt súkkulaði og smákökur eftir seinni frímínútur, svo mega nemendur að sjálfsögðu taka með smákökur eða drykki að heiman. Fleiri myndir má sjá hér.
Í tilefni Dags myndlistar sem var fyrir stuttu, kom Gunnar Jónsson í heimsókn til okkar og ræddi við nemendur á miðstigi um list. Þau fengu að spyrja hvort þetta og hitt sé list. Er banani t.d. list? Gunnar sýndi þeim t.d. bananalistaverk og Campbell súpu Andy Warhols. Þau ræddu um Almar Atla "nakin í kassa", auk þess sem hann sýndi þeim nokkur verk eftir sig. Nemendur voru áhugasamir og ánægðir með kynninguna. Við þökkum Gunnari og Degi myndlistar kærlega fyrir okkur.
Í gær var hið árlega jólaföndur foreldrafélagsins og var þátttaka mjög góð. Ungir sem aldnir áttu notarlega stund saman við ólíka yðju sem tengist jólum, föndur, málun og laufabrauðsgerð. Við þökkum kærlega fyrir okkur.
stjórn foreldrafélagsins
Á morgun miðvikudaginn 9. desember mun foreldrafélagið halda sitt árlega jólaföndur. Við ætlum að hittast í skólanum klukkan 16:30. Í boði verður ýmislegt sem hæfir öllum aldurshópum. Við viljum vekja athygli á að börn eru á ábyrgð foreldra. Það er von okkar að foreldrar og börn geti átt notarlega stund saman.
Með von um að sjá sem flesta stjórn foreldrafélagsins.
Skólinn er opinn og er allt á sínum stað nema nettengingin. Meðan netið er niðri þá er síminn niðri. Hægt er að hringja í 864-1390 sem er gsm sími skólans.
Foreldrar eru hvattir til að láta vita sem fyrst af forföllum. Mikilvægt er að þeir nemendur sem koma, fái fylgd alveg upp að dyrum. Sér í lagi yngri nemendur! Mjög hvasst er við Norður hlið skólans.
Skólinn er opin og við munum taka vel á móti öllum sem komast.
