Í dag fóru nemendur í 1. - 3. bekk ásamt elsta hóp í leikskólanum á tónleika til Ísafjarðar. Sinfóníuhljómsveitin kynnti fyrir okkur Maxímús Músíkús, músina sem leitaði skjóls í tónlistarhúsi og kynntist hljóðfærunum. Þetta var hin besta skemmtun og ekki annað að sjá en allir skemmtu sér vel og tóku þátt.
Undanfarna 3 daga hafa nemendur í eldri hóp tekið þátt í nýsköpunarnámskeiði sem endaði með nýsköpunarkeppni grunnskóla á Vestfjörðum í dag. Eins og venja er voru þau samfélaginu og skólanum til mikils sóma. Unnu hugmyndir sýnar vel og hlutu verðlaun fyrir góða frammistöðu.
Fallvarnir eru nú klárar við öll leiktæki á skólalóðinni. Mölin hefur vikið fyrir gúmmímottum og er nú mýkri lending ef óhapp verður. Vonir standi til að lóðin verði svo fullkláruð næsta sumar.
Mánudagur 19.okt
Blómkálssúpa, brauð með osti og eggi, grænmetibitar, ávextir
Þriðjudagur 20.okt
Soðinn fiskur, soðnar kartöflur, grænmeti, malt- og rugbrauð, ávextir
Miðvikudagur 21.okt
Hakk með salsasósu, tortilla og salat
Fimmtudagur 22.okt
Nuddlur og kjötsósa, grænmeti og ávextir
Föstudagur 23.okt
Karrífiskur, hrisgrjón, grænmeti og ávextir
Verði ykkur að góðu...
Í ár fóru Öðruvísileikarnir fram í Súðavík. Nemendur í 1. – 7. bekk fóru og hittu fyrir nemendur frá Súðavík, Þingeyri og Flateyri. Það var boðið upp á söng, myndlist, dans auk allskonar þrauta sem nemendur tókust á við. Leikarnir enduðu svo með samsöng, dansi og pulsum áður en haldið var heim. Mikil ánægja ríkti hjá nemendum og starfsfólki með leikana og þökkum við Súðvíkingum kærlega fyrir okkur. Fleiri myndir frá leikunum má skoða hér.
B+ og C+ hefur verið bætt við námsmatskvarðann, þær einkunnir lýsa hæfni nemenda sem náð hafa að hluta til viðmiðum sem lýst er í aðalnámskrá. Matskvarðinn er því skilgreindur núna sem sex einkunnir: A, B+, B, C+, C og D. Námsmatskvarðinn A-D er skilgreindur þannig að nemandi sem fær B, B+ eða A hefur náð hæfniviðmiðum í 10. bekk. Má því gera ráð fyrir að þeir nemendur sem ná þeim viðmiðum búi yfir hæfni til þess að hefja nám í íslensku, ensku og stærðfræði í framhaldsskóla á hæfniþrepi tvö.
Það er ekki lengur gert ráð fyrir að einkunn í lykilhæfni sé birt á vitnisburðarskírteini nemenda við lok grunnskóla en gert er ráð fyrir því að unnið sé með lykilhæfni á öllum námssviðum og lagt mat á hana í öllum árgöngum.
Síðasta föstudag fóru nemendur í 8. – 10. bekk á Bolungarvík og tóku þátt í skemmtilegri íþróttahátíð þar með öðrum grunnskólum á svæðinu. Hátíðin heppnaðist vel og nemendur voru mjög ánægðir með daginn.
Á föstudaginn 16. október er svo komið að 1. – 7. bekk. En þá verður haldin íþróttahátíð í Súðavík. Á föstudag er einnig bleikur dagur krabbameinsfélagsins og hvetjum við því nemendur og starfsfólk til að mæta í einhverju bleiku í tilefni dagsins.
Mánudagur 12.okt
Grænmetipasta, salat, brauð með osti
þriðjudagur 13.okt
Plokkfiskur, soðnar kartöflur, rófur og gulrætur, maltbrauð
Miðvikudagur 14.okt
Lambakjöt í karrísósu, ofnbakaðar kartöflur, salat
Fimmtudagur 15.okt
Chilli con carne, hrisgrjón, salat
Föstudagur 16.okt
Skyr, brauð með osti, ávextir
Verði ykkur að góðu
Í gær komu Elísabet og Sævar fyrir hönd fjármálavits til okkar og fóru með nemendur í fjármálafræðslu. Fjármálavit er námsefni fyrir nemendur á efsta stigi grunnskóla og er tilgangurinn að veita innblástur í kennslu um fjármál. Efni Fjármálavits er þróað af Samtökum fjármálafyrirtækja (SFF) í samvinnu við starfsmenn þeirra, kennara og kennaranema. Nemendur fengu kynningu, horfðu á myndbönd og gerðu svo áætlun um eyðslu og sparnað. Hægt er að skoða fleiri myndir hér.
Í dag fóru nemendur í 1. bekk í heimsókn á leikskólann. Boðið var upp á leiksýningu, en það var Elvar Logi Hannesson sem sýndi þeim inn í ævintýraheiminn. Hann sýndi þeim sögubrot úr nokkrum sögu m.a. Búkollu. Það var ekki annað að sjá en að allir skemmtu sér konunglega. Hægt er að skoða fleiri myndir hér.
