« 1 af 2 »

Dagana 28. maí - 1. júní fóru 9. og 10. bekkur í vorferðalag. Við héldum til í sumarbústað á Flúðum og fórum í dagsferðir um Suðurlandið og líka til Vestmannaeyja. Við skoðuðum að sjálfsögðu Gullfoss, Geysi og Þingvelli eins og hinir ferðamennirnir sem voru staddir á Suðurlandinu.

Einnig fórum við á söfn og urðu fyrir valinu Eldfjallasetrið á Hovlsvelli, Eldheymar í Vestmannaeyjum, orkusýningin í Ljósafossstöð og Draugasetrið á Stokkseyri. Þetta voru allt mjög skemmtileg og gagnvirk söfn sem við mælum með að fólk skoði.

Mikið rok var flesta dagana þarna á Suðurlandinu og voru það viðbrigði fyrir okkur sem komum úr logninu hér á Suðureyri.

« 1 af 4 »

Grunnskólanum á Suðureyri var slitið skólaárið 2017 - 2018 í dag. Við buðum einnig nemendur í 1. bekk á næsta skólaári velkomin. Nemendur í 1. - 7. bekk komu á skólaslit klukkan 11:00 en nemendur í 8. - 10. bekk klukkan 17:30.

Við þökkum öllum nemendum, foreldrum, aðstandendum og öðrum velunnurum fyrir viðburðaríkt og skemmtilegt skólaár. 10. bekkur fær sérstakar þakkir og óskir um velgengni og hamingju í því sem þau taka sér fyrir hendur.

Hér er hægt að skoða myndir frá deginum.

Takk öllsömul fyrir frábært skólaár!

Í dag fór fram vorhátíð skólans. Við vorum sannarlega heppin með veðrið sem lék við okkur jafnvel þó sólinn hafi bara aðeins kíkt í heimsókn örstutt. Nemendum var skipt upp í aldursblandaða hópa og tóku þátt í ratleik. Sigurliðið náði að svara öllu rétt. Að ratleik loknum fóru nemendur í sund og gæddu sér svo á hamborgurum áður en haldið var heim.

Hér er hægt að skoða myndir sem voru teknar í dag. Við minnum svo á skólaslitin á morgun :)

Við héldum áfram í vorþema í dag, en við erum að leggja áherslu á útiveru þessa síðustu heilu viku skólans. Nemendur voru í aldursblönduðum hópum í gönguferðum, náttúruskoðun, leikjum og spilum. Frá 07:40 til 14:00 fóru allir nemendur á umferðamælingarstöð þar sem þeir mældu hraða á bílum sem óku framhjá skólanum. Sérútbúin veggspjöld þar sem ökumönnum var hrósað fyrir réttan hraða eða bent á að þeir aki of hratt var svo veifað eftir því hver hraði bílana var.

Hápunktur dagsins var heimsókn tveggja lögregluþjóna, sem ræddu um umferðaröryggi, skoðuðu aksturshraðaskrá nemenda og sýndu nemendum nýja lögreglubílinn og þau verkfæri sem lögreglan notast við.

Það voru 166 ökumenn sem áttu leið framhjá nemendum í dag. Af þeim óku 79 undir hámarkshraða 30 km/klst. 49 ökumenn voru á eða við hámarkshraða en 38 ökumenn óku of hratt. Af þessum 38 voru 21 sem óku á yfir 40 km/klst. hraða og 4 á yfir 50 km/klst. hraða. Sá sem ók hraðast var á 58 km/klst. hraða.

Nemendur og starfsfólk Grunnskólans á Suðureyri þakkar lögreglunni kærlega fyrir komuna, auk þess þökkum við flestum ökumönnum fyrir tillitssemina og bendum þeim sem aka allt of hratt á að hámarkshraðinn í þorpinu er 30 km/klst. m.a. vegna þess að hér eru börn á leik. Flýtum okkur hægt og virðum hámarkshraðan!

Hér er hægt að skoða myndir frá deginum.

« 1 af 30 »

Í dag fóru nemendur í 1. - 4. bekk ásamt elstu nememendum leikskólans Tjarnarbæ í hina árlegu vorferð. Að þessu sinni var farið til Flateyrar að skoða dúkkusafnið, útsýnisskífuna við varnargarðinn og hoppað aðeins á ærslabelgnum. Síðan var farið að Þórustöðum, lömbin skoðuð og nemendum var boðið að fara á hestbak. Það voru þó ekki allir til í það. Þetta var skemmtilegur dagur og allir kátir í lok dags. 

« 1 af 34 »

Nemendur á miðstigi og í 8.bekk fóru í Litla Bæ í Skötufirði í morgun í boði hjónanna Sædísar Ólafar Þórsdóttur og Gunnars Inga Hrafnssonar. 

Ferðinni var fyrst heitið í Raggagarð í Súðavík þar sem krakkarnir nýttu tækfærið og skelltu sér í aparóluna, hringekjunar og kastalann. Þar næst var farið á Kambsnes og útsýnið skoðað rækilega, teknar myndar og steinum kastað í allar áttir. Svo var haldið í Skötufjörð að skoða seli. Krakkarnir skemmtu sér hið besta við að klappa og ná athygli þeirra, telja og hoppa á milli steina. Að lokum var farið í Litla Bæ þar sem krakkarnir fengu skoðunarferð um bæinn, fræðslu um sögu þess og ábúendur og lærðu að strokka smjör. Krakkarnir gæddu sér svo á flatkökum með nýgerðu smjöri. Því næst fengu allir nýbakaðar vöfflur með heimagerðri sultu, rjóma og glassúr og heitt kakó. Öll fóru þau því södd og sæl frá Litla Bæ og mun fróðari um svæðið. 

Við þökkum Sædísi og Gunnari hjartanlega fyrir ferðina og allan þann fróðleik sem fylgdi með.

Í dag fór fram vorhreinsun skólans. Nemendur fóru yfir skólalóðina og nágrenni hennar og plokkuðu rusl. Miðstigið tók tjörnina sérstaklega og mættu einhverjir í vöðlum á meðan aðrir voru í stígvélum eða fóru berfættir eftir ruslinu í tjörninni. Nemendur biðja alla um að huga að okkar fallega umhverfi og henda rusli í ruslatunnur. Ekki út í náttúruna.

Hér má skoða myndir frá plokkinu.

Skólasýning Grunnskólans á Suðureyri var haldin hátíðleg í gær. Um 150 manns komu í skólann og skoðuðu verk nemenda gæddu sér á veitingum og fögnuðu 110 ára afmæli skólans.

Við þökkum þeim fjölmörgu sem komu að deginum og öllum þeim sem komu kærlega fyrir.

Opnið fréttina til að lesa meira.

Mánudagur

Pylsupasta, salat, ávextir

Þriðjudagur

Soðinn fiskur, sætar kartöflur, soðnar grænmeti, ávextir

Miðvikudagur

Kjuklingaleggir, ofnbakaðar kartöflur, salat, ávextir

Fimmtudagur (siðasti mötuneyti dagur!)

Gratinn fiskur, hrisgrjón, grænmeti, ávextir

VERÐI YKKUR AÐ GÓÐU

« 1 af 3 »

Í gær kviknaði í skólanum og brunabjallan fór í gang. Nemendur stóðu sig vel og rýmdu skólann á um mínútu. Rétt eftir að talning á nemendum hafði farið fram á skólalóðinni uppgötvuðum við að um pappírseld var að ræða, eftirlegu leikmuni frá skólaleikritinu. Því var slökkt á bjöllunni og nemendur snéru aftur til náms.