Í kvöld klukkan 20:00 er komið að okkar riðli í skólahreystiþáttunum á RÚV. Sameiginlegt lið Grunnskólans á Suðureyri og Súðavíkurskóla vann Vestfjarðarriðilinn og er núna á fullu að undirbúa sig fyrir úrslit Skólahreystis 2018. Úrslitinn fara fram 2. maí og verða í beinni á RÚV.
Það er því kjörið að hita upp í kvöld og fylgjast með okkar fólki í spennandi keppni sem fram fór 21. mars síðastliðin.
Áfram við :)
Þriðjudagur 3.april
Grænmetisbuff, kartöflumús, grænmeti, ávextir
Miðvikudagur 4.april
Kjuklingaleggir, ofnbakaðar grænmeti, ávextir
Fimmtudagur 5.april
Fiskur í raspi, soðnar kartöflur, remulaði, grænmetisalat, ávextir
Föstudagur 6.april
Grjónagrautur, slátur, brauð með osti, ávextir
VERÐI YKKUR AÐ GÓÐU
Á meðan 10. bekkur undirbjó sig fyrir PISA könnunar próf í síðustu viku.
Fengu nemendur í 8. og 9. bekk það verkefni að kynna fyrir umheiminum hvers vegna það það er gott að búa á Suðureyri og hvers vegna það væri frábær hugmynd fyrir aðra að flytja á Suðureyri og búa þar.
Þetta skemmtilega verkefni leystu þau með að búa til myndband sem hægt er að skoða með því að opna fréttina.
Það var Tarzan í umsjón unglingana í íþróttahúsinu í síðasta tíma í dag, síðasta kennsludag fyrir Páska.
Nú tökum við okkur smá frí fyrir lokasprettinn fram að sumri.
Við hvetjum foreldra til að muna eftir lestrinum í fríinu en daglegur lestur er öllum mikilvægur, sérstaklega grunnskólanemendum. Njótið samverunnar, við sjáumst svo hress og endurnærð klukkan 08:00 þriðjudaginn 3. apríl.
Við æfingar á árinu áttuðum við okkur strax á því að við vorum með fullt af duglegum og flottum stelpum en vantaði stráka til að keppa í Skólahreysti. Undirritaður fór í heimsókn á unglingastigið í Súðavík og tók eftir því að þar voru ekkert nema strákar og örfáar stelpur. Í kjölfarið var því ákveðið í samráði stjórenda skólana að í ár yrðu Grunnskólinn á Suðureyri og Súðavíkurskóli með sameiginelgt lið.
Opnaðu fréttina til að lesa meira og sjá fleiri myndir.
PISA könnun er lögð fyrir 10. bekkinga þriðja hvert ár. Og í dag var hún lögð fyrir nemendur í 10. bekk í Grunnskólanum á Suðureyri.
Starfsmaður frá Menntamálastofnun kom og sá um fyrirlögnina. Könnunin gekk vel, prófin eru geymd á minnislyklum og voru laus við alla hnökra.
Nemendur byrjuðu daginn á morgunverði og næðisstund í umsjón Bryndísar og tóku að því loknu könnunina.
Könnunin er í þrem hlutum. Tveir klukkutíma hlutar sem kanna lesskilning, stærðfræði og náttúrufræði með hlé á milli og svo einum spurningarhluta í lokinn þar sem m.a. var spurt út í fjölskylduhagi og áhugamál nemenda. Allt gekk vel og nemendur voru sér og okkur öllum til sóma.
Nú hafa nemendur í 1. - 4. bekk lokið átakinu í lestri eða lestrarspretti. Markmiðið var að ná að lesa 10.800 mínútum á þessu tímabili, en miðað er við að allir nemendur lesi 30 mínútur á dag. Þetta stóðs hjá þeim og rúmlega það. Nemendur völdu að horfa á mynd í lokin og á föstudaginn síðasta horfðu þau á mynd og fengu popp með því. Þau stöðu sig frábærlega og eiga hrós skilið.
Í gær fór fram árshátíð Grunnskólans á Suðureyri. Nemendur byrjuðu daginn á rennsli og síðan generalprufu. Sýningar nemenda um kvöldið heppnuðust vel og mikið var hlegið jafnt á sviði sem út í sal. Nemendur sýndu leikrit um ræningjana í Kardemommubæ undir leikstjórn Bryndísar og tónlistarumsjón Söru.
Að seinni sýningu lokinni var síðan diskó og nemendur dönsuðu og skemmtu sér fram á rauða nótt. Um hundrað gestir mættu og við þökkum þeim öllum kærlega fyrir komuna. Við erum stolt af nemendum sem sýndu dugnað og mikinn áhuga við undirbúning og á sýningunum sjálfum. Takk fyrir frábæra árshátíð.
Myndir frá sýningunum má skoða hér.
Nemendur okkar þau Stefán Chiaophuang og Svanfríður Guðný Þorleifsdóttir stóðu sig með miklum ágætum og urðu sjálfum sér og okkur öllum til sóma í Stóru Upplestrarkeppnni sem fram fór í Hömrum 13.mars síðastliðinn.
Fyrst lásu keppendur brot úr sögu eftir Sigrúnu Eldjárn, svo ljóð eftir Ólaf Jóhann Sigurðsson og að lokum lásu þau ljóð að eigin vali. Keppnin var hin skemmtilegasta og fluttu nemendur Tónlistarskólans á Ísafirði tónlist á milli atriða og höfðu nemendur úr Grunnskóla Ísafjarðar verið svo góð að baka pönnukökur og annað góðmeti, sem keppendur og gestir fengu að njóta góðs af í hléi.
Við þökkum Stefáni og Svanfríði kærlega fyrir keppnina og hlökkum til keppninnar á næsta ári.
Nú eru æfingar á fullu fyrir árshátíðina sem verður haldin fimmtudaginn 15. mars. Það verða tvær sýningar og byrja þær stundvíslega kl. 17:00 og 20:00. Verð á sýningu er kr. 1.000 fyrir fullorðna og frítt fyrir börn 15 ára og yngri. Í ár flytja nemendur Kardemommubæinn eftir Thorbjørn Egner.
Nemendur mæta stundvíslega kl: 09:00 út í félagsheimili á fimmtudaginn. Eftir rennsli fara nemendur heim og hvíla sig fyrir sýningarnar. Nemendur mæta aftur stundvíslega út í félagsheimili kl: 16:30 fyrir fyrri sýninguna og kl: 19:30 fyrir þá seinni. Að seinni sýningu lokinni er diskó til 21:30 hjá yngri (1. - 4.) og 22:30 hjá eldri (5. - 10.).Nemendur fá að sofa aðeins lengur daginn eftir þennan annasama dag og því er mæting kl: 09:40 á föstudaginn.
Við hlökkum til að sjá sem flesta.
