Sundkennsla hefst á mánudaginn 7. maí.
Sund verður daglega næstu tvær vikur alla daga nema föstudaga. Því mikilvægt að allir hafi sundföt með sér í skólann. Á meðan á Sundinu stendur fellur íþróttakennsla alveg niður. Páll Janus Þórðarson sem kom til okkar í haust mun sjá um kennsluna aftur núna.
Við hvetjum nemendur og foreldra til að fara í sund um helgina svona rétt til að koma sér í gang.
Keppendur og stuðningsfólk í sameiginlegu liði Grunnskólans á Suðureyri og Súðavíkurskóla fóru suður á miðvikudaginn til að taka þátt í úrslitum í Skólahreysti.
Þetta er í fyrsta skipti sem við komumst í úrslit Skólahreystis og nældum við í 7. sæti í keppninni.
Ítarlegri umfjöllun og hlekkur á myndir frá ferðinni má finna inn í fréttinni.
Fyrsta skipti í úrslitum!
Sameiginlegt lið grunnskólana á Suðureyri og Súðavík keppti í kvöld í úrslitum Skólahreysti í fyrsta skipti. Hjördís keppti í armbeygjum og hangi. Flóki í upphífingum og dýfum. Hera og Ragnar í hraðbraut og þau Þórunn og Gabriel voru varamenn.
Full rúta af stuðningsfólki kom að vestan og studdi vel við bakið á keppendum sem stóðu sig frábærlega og nældu í 7. sætið.
Keppendur og stuðningsfólk var skólanum og samfélaginu til mikils sóma. Persónuleg met féllu og margir fengu dýrmæta reynslu. Það skilaði sér með þessum frábæra árangri sem við erum afar stolt af.
Til hamingju krakkar!
Eftir miklar pælingar erum við að sjá fyrir endann á skólapeysumálum. Pöntun verður lögð inn í vikunni á steingráum hettupeysum með appelsínugulu merki skólans og Suðureyri á ermina. Próförk af peysunni kemur um leið og við erum búin að panta.
Ákveðið var að öðrum áhugasömum yrði boðið að panta peysur á morgun 1. maí. Mátun fer fram í anddyri skólans á undan og á eftir boðsundinu.
Peysur til nemenda kosta 1.000 kr. og biðjum við foreldra um að greiða fyrir þær inn á reikning foreldrafélagsins fyrir 6. maí. Reikn. 0556-14-400156 Kt.0109843199
Markmiðið er að fá peysurnar fyrir skólasýninguna 27. maí.
Í dag fengi nemendur i 1. bekk reiðhjólahjálma að gjöf frá Eimskip og Kiwanishreyfingunni. Þær voru að vonum mjög kátar með þessa gjöf og færum við bestu þakkir fyrir.
Mánudagur
Pastaréttur með grænmeti og beikon, köld sósa, ávextir
Þridjudagur
Fiskur með rjóma og chilli sósu, grjón, salat, ávextir
Miðvikudagur
Heitt slátur, kartöflumús, soðnar grænmeti, ávextir
Fimmtudagur
Skyr, brauð með álegg, ávextir og grænmeti
Föstudagur
Fiskur, kartöflur, salat, ávextir
Í kvöld þriðjudaginn 17. apríl verður bíókvöld í skólanum. 1.- 5. bekkur byrjar 17:00 og áætluð lok myndar er 18:45.
6. - 10. bekkur byrjar 19:00 og áætluð lok myndar er 20:50. Aðgangseyrir fyrir einn er kr. 300,-, kr. 500,- fyrir tvo og kr. 700,- fyrir 3. Ekki er leyfilegt að mæta með gos eða nammi, einungis góða skapið.
Í síðustu viku skoraði Mýrarhúsaskóli á Seltjarnarnesi á okkur í Krakkasvarinu og spurðu okkur hvað fær okkur til að hlæja. Krakkarúv byrjar kl 18:00 í kvöld og nemendur í 6. og 7. bekk svara þeim kl 18:50 í Krakkafréttum á rúv. Við hvetjum íbúa og landsmenn alla til að fylgjast með flottu krökkunum okkar svara þessari skemmtilegu spurningu.
Á mánudaginn fóru 7. - 10. bekkur í Edinborgarhúsið og fylgdist með einleiknum, Skuggamyndir stúlku á vegum List fyrir alla, undir leikstjórn Agnesar Wild og með leikonunni Hreindís Ylva Garðarsdóttir Holm. Leikritið fjallar um stúlku sem tekur beinan og óbeinan þátt í einelti og er byggt að hluta á sannsögulegum atburðum. Nemendur og starfsfólk voru mjög ánægðir með sýninguna og að henni lokinni mynduðust skemmtilegar umræður. Við hvetjum foreldra til að ræða við nemendur um einelti og afleiðingar þess og heyra frá þeim hvað þeim fannst um leiksýninguna.
Á hverju ári í tengslum við dag barnabókarinnar er ný íslensk smásaga frumflutt samtímis í öllum grunnskólum landsins. Að þessu sinni samdi Ævar Þór Benediktsson smásöguna Pissupása, sem og flutti hana í útvarpinu. Nemendur í 1. - 4. bekk hlustuðu að sjálfsögðu á upplesturinn. Þetta var mjög skemmtileg saga og mæli ég með því að foreldrar hlusti á söguna með börnum sínum. Hana má finna á ruv .is
