Matseðill fyrir vikuna 10-14 október
Mánudagur 10 október Grænmetissúpa og heimabakað brauð
Þriðjudagur 11 október Steiktur fiskur í raspi, kartöflur, salat og sósa.
Miðvikudagur 12 október Kjötbollur í brúnni sósu, kartöflumús, sulta.
Fimmtudagur 13 október Pastaréttur ala Petra :)
Föstudagur 14 október Fiskibollur, salat og kartöflur
Kveðja Petra Dröfn
Fulltrúar frá Samtökunum 78, Guðmunda og Sólveig komu í morgun til okkar og héldu skemmtilega fræðslu fyrir nemendur í 7. - 10. bekk. Farið var yfir mismunandi kynhneigðir, kynvitund og kyneinkenni. Rætt var um staðalímyndir og jafnrétti. Nemendur fylgdust vel með og sýndu kynningunni áhuga. Við þökkum Samtökunum 78 kærlega fyrir þessa áhugaverðu og skemmtilegu heimsókn.
Nemendaráðið ætlar að hafa alla fimmtudaga í október sem þemadaga. Við hvetjum krakkana til að mæta í skólann í fötum í samræmi við daginn.
Þemadagarnir eru eftirfarandi:
6. okt: Náttfatadagur
13. okt: Hrekkjavöku þema
20. okt: Svart og hvítt
27. okt: Regnbogadagur
ATH! Muna að koma með utan-yfir föt ef börnin ætla að mæta í þunnum eða stuttum fötum.
- Nemendaráðið :)
Nú er komið að fyrsta lestrarátaki vetrarins hjá nemendurm í 2. - 6. bekk en það stendur til 27. október. Við byrjum á fimmunni en nemendur fengu blað með sér heim í dag þar sem útskýrt er hvað átt er við með fimmunni. Markmiðið er að efla lestraröryggið sem og lesfimina hjá nemendum.
Samræmdum könnunarprófum í 4. og 7. Bekk er nú lokið. Þetta var í fyrsta sinn sem prófin eru höfð rafræn og gekk það einkar vel.
Það voru nokkuð stressaðir en spenntir 7. bekkingar og öllu rólegri 4. bekkingar sem þreyttu samræmd könnunar próf síðustu tvær vikurnar. Í fyrsta sinn voru prófin rafræn og gekk fyrirlögnin mjög vel. Þetta er spennandi kostur til framtíðar og býður upp á það að prófin verði einstaklingsmiðaðri og mæli betur hvar nemandinn stendur. Næstu samræmdu könnunarpróf eru síðan í mars hjá 9. og 10. bekk. Við hlökkum til að vinna áfram með þetta kerfi og fylgjast með því vaxa og dafna.
Við biðjum foreldra um að halda áfram að skoða og kemba. Við viljum öll klára þetta ævintýri og halda á vit nýra lúslausra tíma. Það er mikilvægt að allir séu á varðbergi fram í næstu viku. Ef engin ný tilfelli koma upp á næstu dögum, þá ættum við að heita lúslaus á miðvikudaginn.
Skólanum barst Nit frá foreldri sem nemendur fengu að skoða og hægt er að sjá á meðfylgjandi myndum. Við viljum auðvitað fá að skoða lús líka en verðum ekkert sár þó það finnist engar.
Eitt af valfögum haustsins fyrir efsta stig var stuttmyndagerð. Fyrsta verkefni hópsins var að gera auglýsingu, og var hópnum skipt í tvennt. Annar hópurinn gerði auglýsingu fyrir sundlaugina, sem má sjá hér.
Hinn hópurinn gerði auglýsingu fyrir búðina sem má sjá hér.
Unglingarnir þurftu að sjá sjálf um að semja handrit, taka upp, klippa og setja inn tónlist og/eða önnur hljóð. Afraksturinn er glæsilegur eins og má sjá, og verður áhugavert að sjá hvert næsta verkefni, sem er stuttmynd, leiðir hópinn.
Í dag var farið í heimsókn á leikskólann Tjarnarbæ. Þetta er liður í auknu samstafi milli skóla og leikskóla. Elsti hópur á leikskóla var að vinna með nemendum í ýmsum verkefnum tengdum stafaþekkingu. Þetta var mjög gaman og þau voru öll mjög áhugasöm.
Við stóru krakkarnir í 8. - 10. bekk erum af eldmóði og ákafa að leggja okkar lóð á vogarskálarnar til lausnar orku- og megnunarvanda heimsins. Því erum við nú að nema rafmagnsfræði til hlítar og að leita leiða til koma fram með orkukubb sem gæti leyst af hólmi eiturspúandi og sjónmengandi raforkumannvirki heimsins.
Þar sem við gistum þann stað á Jörðinni hvar elsta berg Íslands er að finna [eldfjallaeyjan mikla, 18. milljón ára] þá hefur okkur dottið i hug að hér gæti verið að finna mikla orku. Ætlunin er að kanna hvernig hægt er að beisla þessa orku og koma henni til almennings og fyrirtækja.
Þeirri hugmynd hefur verið skotið fram að hægt væri að vinna úr berginu hentugar einingar sem annað hvort gæfu sjálfar frá sér orku eða að hægt væri að fylla orku/rafmagni.
Þessi vinna er enn á frumstigi en byrjunin lofar góðu og allar góðar ábendingar um framhaldið eru vel þegnar. Vinnuheiti verkefnisins er Sugberg.
Þessir flottu og duglegu krakkar voru í heimilisfræði áðan. Þar gerðu þau þennan glæsilega grænmetisbakka. Einnig voru búnar til hollar sósur fyrir grænmetið. Þau fengu síðan að borða grænmetið og sósurnar. Þeim fannst þetta mjög gott.
