Mánudagur Tómatsúpa með pasta og pylsum, brauð með osti/smurosti
Þriðjudagur gufusoðinn fiskur með osti, soðið grænmeti og kartöflur
Miðvikudagur Íslensk kjötsúpa
Fimmtudagur Enchilada með hakki, grænmeti og sósu
Föstudagur Soðinn fiskur, soðið grænmeti og kartöflur
Verði ykkur að góðu
Kveðja Petra
Þriðjudaginn 6. desember verður opin dagur í skólanum. Foreldrar og forráðamenn eru auðvitað alltaf velkomnir í skólann. En með þessu viljum við bjóða ykkur sérstaklega velkomin þennan dag.
Við ætlum einnig að taka myndir af nemendum þennan dag. Hópamyndir og einstaklingsmyndir.
Við hvetjum foreldra til að gera sér ferð í skólann og hlökkum til að sjá ykkur sem flest.
Í dag var haldin brunaæfing í skólanum. Það ,,kviknaði“ í eldhúsinu og skólinn var rýmdur. Nemendur fóru út og svo inn í sundlaug til að halda á sér hita meðan athugað var hvort tekist hefði að ,,slökkva eldinn“ í eldhúsinu. Rýming skólans gekk vel og nemendur stóðu sig með prýði.
Við hvetjum foreldra og forráðamenn, nú þegar hátíð ljóssins er á næsta leiti, til að ræða við nemendur um eldhættur og hvernig best sé að komast út úr þeirra heimili ef eldur kemur upp.
Mánudagur: Grjónagrautur, slátur og brauð með osti/eggi
Þriðjudagur: Soðinn fiskur, forsoðið grænmeti, kartöflur og smjör/tómatsósa
Miðvikudagur: Lambakjöt í karrý, hrísgrjón, ferskt grænmeti
Fimmtudagur: Íslenskt skyr og brauð með áleggi, ávextir
Föstudagur: Steiktur fiskur í raspi, smjörsteiktur laukur, kartöflur, ferskt grænmeti og REMÚLAÐI :D
Verði ykkur að góðu
Kveðja Petra
Grunnskólar í Ísafjarðarbæ hafa lengi lestrarprófað markvisst nemendur eins og foreldrar kannast við. Þetta gerum við til að fylgjast með framförum nemenda og til að greina hvaða nemendur þarf að vinna betur með. Í haust komu út ný lestrarviðmið og próf frá Menntamálastofnun. Nú nota allir grunnskólar sömu prófin og því sömu aðferð til að prófa alla nemendur á landinu.
Á skólaárinu verður breytt hvernig talið er í prófunum. Frá því að telja atkvæði í að telja orð. Við hvetjum foreldra og aðra áhugasama til að kynna sér ný lesviðmið og lestrarpróf frá menntamálastofnun í þessum bækling.
Nemendur á mið og eldra stigi fengu slökunar tíma í þessari og síðustu viku. Við fórum yfir öndun og kosti þess að velta sér ekki upp úr vandamálum heldur sleppa taki á þeim og ímynda sér góðan stað án þeirra. Það er vissulega ekki á hverjum degi þar sem það er í lagi að sofna í tíma. En það varð auðvitað raunin eftir góða slökun. Við hvetjum foreldra til að taka góða slökun með nemendum.
Kæru foreldrara.
Fundur í foreldrafélaginu verður mánudaginn 21. nóvember klukkan 18:00 hér í Grunnskólanum. Foreldrafélagið hefur verið stór hluti af skólastarfinu. Allir foreldrar hvattir til þess að mæta og taka þát í skemmtilegu starfi fyrir börnin okkar.
Við minnum foreldra á að fylgja yngri börnum, þar sem mjög vindasamt er við norður enda skólans. Gera má ráð fyrir áframhaldandi stormi í dag og því er æskilegt að foreldrar sæki, sér í lagi yngri nemendur í skólann að honum loknum.
Áætlun vegna röskunar á skólastarfi vegna veðurs má finna hér.
Ef truflanir eru á rafmagni og símkerfi skólans fer niður, þá er hægt að hringja í gsm síma skólans 864-1390.
Síðastliðinn miðvikudag var foreldradagur heimilis og skóla haldinn. Þá var haldið málþing um kvíða meðal barna og ungmenna. Þessir fyrirlestrar voru teknir upp og eru komnir á netið.
Fyrirlestrarnir eru þrír:
Kvíði barna og ungmenna: Tengsl við svefn og samfélagsmiðla
Sálfræðiþjónusta í grunn- og framhaldsskólum
Það er engin heilsa án geðheilsu: Geðrækt í skólum
Við hvetjum þá sem hafa áhuga til að kíkja á þetta. Hver fyrirlestur er ekki nema 17 - 20 mínútur og því tilvalið að hreiðra um sig í óveðrinu og horfa á.
Ný velferðar og öryggishandbók er komin út fyrir Ísafjarðarbæ. Hvetjum við foreldra til að kynna sér handbókina sem finna má hér. Skólinn hefur komið einhverjum ábendingum á framfæri um þætti sem þarf að laga til að standast kröfur um öryggi.
Ábendingar foreldra og áhugasamra eru vel þegnar á netfang skólans.
