Skáld í skólum bregða á leik.

Gaman á bekkjarskemmtun

Gaman á bekkjarskemmtun

Einbeittir nemendur við að skera út ,,kattaköku".

« 1 af 4 »

Það er alltaf stuð hjá okkur í skólanum. Í liðinni viku fengum við heimsóknina ,,Skáld í skólum“ sem er bókmenntadagskrá á vegum rithöfundasambands Íslands. Þau Linda Ólafsdóttir, teiknari og barnabókahöfundur og Vilhelm Anton Jónsson söngvari, tónlistarmaður og barnabókahöfundur komu og voru með skemmtilega dagskrá fyrir 1.-4.bekk. Meiriháttar miðstig var svo með bekkjarskemmtun á miðvikudaginn þar sem farið var í leiki, spilað, borðuð pitsa og margt fleira til gamans gert. Stór hluti nemenda á unglingastigi fór á Halloween-ball til Ísafjarðar í gærkvöldi og skemmti sér hið besta. Svo sjá má að hér er alltaf eitthvað um að vera.

Okkur gengur þokkalega að vinna að föstudagsverkefninu okkar þar sem nemendur sjálfir velja sér viðfangsefni fyrir fjórar samliggjandi kennslustundir. Nemendur unglingastigs eru mjög færir í þessari vinnu en þeir yngri þurfa að vonum meiri aðstoð en tilgangur þessa er að veita nemendum tækifæri til að fræðast um viðfangsefni sem þeir sjálfir hafa áhuga á og jafnframt að kynna þeim fjölbreyttar leiðir við nám og kynningu á niðurstöðum.

Í næstu viku verða tveir kennaranemar hjá okkur, þeir eru okkur ekki alveg ókunnugir en það eru þær Ólöf Birna og Álfdís Hrefna. Föstudaginn 8.nóvember sem er baráttudagur gegn einelti á Íslandi verðum við svo með annað nemendaþing vetrarins og að þessu sinni verður fjallað um samskipti og hvernig má koma í veg fyrir einelti.

Skáld í skólum bregða á leik.

Gaman á bekkjarskemmtun

Gaman á bekkjarskemmtun

Einbeittir nemendur við að skera út ,,kattaköku".

« 1 af 4 »

Það er alltaf stuð hjá okkur í skólanum. Í liðinni viku fengum við heimsóknina ,,Skáld í skólum“ sem er bókmenntadagskrá á vegum rithöfundasambands Íslands. Þau Linda Ólafsdóttir, teiknari og barnabókahöfundur og Vilhelm Anton Jónsson söngvari, tónlistarmaður og barnabókahöfundur komu og voru með skemmtilega dagskrá fyrir 1.-4.bekk. Meiriháttar miðstig var svo með bekkjarskemmtun á miðvikudaginn þar sem farið var í leiki, spilað, borðuð pitsa og margt fleira til gamans gert. Stór hluti nemenda á unglingastigi fór á Halloween-ball til Ísafjarðar í gærkvöldi og skemmti sér hið besta. Svo sjá má að hér er alltaf eitthvað um að vera.

Okkur gengur þokkalega að vinna að föstudagsverkefninu okkar þar sem nemendur sjálfir velja sér viðfangsefni fyrir fjórar samliggjandi kennslustundir. Nemendur unglingastigs eru mjög færir í þessari vinnu en þeir yngri þurfa að vonum meiri aðstoð en tilgangur þessa er að veita nemendum tækifæri til að fræðast um viðfangsefni sem þeir sjálfir hafa áhuga á og jafnframt að kynna þeim fjölbreyttar leiðir við nám og kynningu á niðurstöðum.

Í næstu viku verða tveir kennaranemar hjá okkur, þeir eru okkur ekki alveg ókunnugir en það eru þær Ólöf Birna og Álfdís Hrefna. Föstudaginn 8.nóvember sem er baráttudagur gegn einelti á Íslandi verðum við svo með annað nemendaþing vetrarins og að þessu sinni verður fjallað um samskipti og hvernig má koma í veg fyrir einelti.

Mánudagur

Grjónagrautur, lifrapylsa, pitsúsnúðar, ávextir

Þriðjudagur

Sóðinn fiskur, soðnar kartöflur, grænmeti, ávextir

Miðvikudagur

Tortillubátar, hakk, fullt af grænmeti og ávextir

Fimmtudagur

Islenskt kjötsúpa, ávextir

Föstudagur

Plokkfiskur, kartöflur, rugbrauð, soðnar grænmeti, ávextir

Söngstund í október

Söngstund í október

Gestakennari með nemendum yngsta stigs

Að lokinni rýmingaræfingu

« 1 af 4 »

Ekki gekk nú allt samkvæmt áætlun hjá okkur þessa vikuna þar sem við þurftum að fresta foreldrafundinum sem vera átti á þriðjudaginn þar sem fyrirlesararnir komust ekki til okkar.  Við finnum annan dag með þeim og auglýsum hann um leið og það er klárt.

Með þessari frétt fylgir meðal annars mynd úr söngstund sem er alltaf hjá okkur kl.11:10 á miðvikudögum.  Markmið með henni eru margvísleg, meðal annars að kenna nemendum algeng lög sem sungin eru á mannamótum svo þeir verði færir um að taka þátt í söng af öryggi, líka að æfa framburð og leikni í að segja íslensk orð og svo síðast en ekki síst að æfa nemendur í að læra texta.  Í þessari viku spilaði einn nemandi á gítar með Söru í undirspilinu og var það sérstaklega skemmtilegt.  Ég minni á að gestir eru velkomnir á söngstundina okkar svo ef þið eigið heimangengt á miðvikudegi milli 11 og 12 væri gaman að sjá ykkur.

Við erum búin að vera með ,,gestakennara“ þessa viku, það er hún Margrét Halldórsdóttir sem er í námi við Háskóla Íslands og hefur fengið að gera eitt æfingaverkefni hér við skólann, í dag voru hún og nemendur á yngsta stigi að fjalla um hvunndagshetjur.

Í dag var svo rýmingaræfing æfing hjá okkur þar sem við æfðum viðbrögð sem nota skal ef upp kemur eldur í skólanum. Slökkviliðið var með okkur á æfingunni og gaf okkur góða einkunn.

Starfsdagur alls starfsfólks Ísafjarðarbæjar fer fram fimmtudaginn 24. október milli klukkan 12.30 og 16.00 í íþróttahúsinu á Torfnesi.
Starfsdagurinn er ekki hluti af innra starfi stofnana bæjarins, líkt og hefðbundnir starfsdagar eru, og í einhverjum tilvikum er hann því ekki skráður t.d. á skóladagatöl. Hver og ein stofnun ákveður lokunartíma, enda getur hann verið mismunandi eftir vegalengd á milli staða. Eins og auglýst hefur verið er skólinn hjá okkur lokaður frá kl.12:00 vegna þessa.
Dagurinn samanstendur af fyrirlestrum og verkefnavinnu með þann tilgang að stuðla að því að starfsfólk Ísafjarðarbæjar nái góðri stjórn á streitu, líðan, verkefnum og einbeitingu.Kveðja

Jóna

Kæru foreldrar.

Því miður verðum við að fresta fundinum þar sem vélin snéri við. Nýr fundartími verður auglýstur síðar. Endilega látið þetta berast.

Að æfa talningu

Vikan sem er að líða hefur verið æovenju róleg hjá okkur það er þó alltaf líf í tuskunum hér í skólanum og nemendur nota margvíslegar aðferðir til að læra. Á meðfylgjandi mynd má sjá nemendur á yngsta stigi æfa sig í talningu.  Það er svo margt sem hægt er að breyta í leik og hjálpar börnunum okkar við að þjálfa hluti sem er gott að kunna reiprennandi.  Til dæmis talning og samlagningar og frádráttarleikir.

Á morgun og á mánudag er vetrarfrí.

Miðvikudaginn 23. verður svo foreldrafundur hjá okkur, sá fundur er hluti af þróunarverkefni skóalns og vonumst við eftir frábærri þátttöku. Nemendur fengu bréf með fundarboði á íslensku, pólsku og ensku með sér heim í dag. Fundarboðið er líka komið á facebooksíðu skólans.

Fimmtudaginn 24. október er svo sameiginlegur starfsdagur allra stofnana í Ísafjarðarbæ.  Dagskrá hans hefst 12:30 á Ísafirði, því þurfum við að ljúka kennslu kl.11.30 þann dag, matur verður þá frá 11.30 - 12:00.  Dagurinn samanstendur af fyrirlestrum og verkefnavinnu með þann tilgang að stuðla að því að starfsfólk Ísafjarðarbæjar nái góðri stjórn á streitu, líðan, verkefnum og einbeitingu. 

Föstudaginn 25. hefjum við svo aðra lotuna í föstudagsverkefninu okkar og næstu fjóra föstudaga vinna nemendur verkefni að eigin vali í skólanum.  Það verður gaman að sjá hvað þeir velja að fjalla um og hvort þeir verða áhugasamari um verkefni sem þeir velja algjörlega sjálfir.

Starfsdagur starfsfólks Ísafjarðarbæjar 24. október 2019
Starfsdagur alls starfsfólks Ísafjarðarbæjar fer fram fimmtudaginn 24. október milli klukkan 12.30 og 16.00 í íþróttahúsinu á Torfnesi.
Starfsdagurinn er ekki hluti af innra starfi stofnana bæjarins, líkt og hefðbundnir starfsdagar eru, og í einhverjum tilvikum er hann því ekki skráður t.d. á skóladagatöl. Hver og ein stofnun ákveður lokunartíma, enda getur hann verið mismunandi eftir vegalengd á milli staða.
Dagurinn samanstendur af fyrirlestrum og verkefnavinnu með þann tilgang að stuðla að því að starfsfólk Ísafjarðarbæjar nái góðri stjórn á streitu, líðan, verkefnum og einbeitingu.

Mánudagur

Bauna/grænmetisúpa, brauð og álegg, grænmeti og ávextir

Þriðjudagur

Sóðinn fiskur, kartöflur og grænmeti, ávextir

Miðvikudagur

Kjuklingabringa í rjómaostasósu, ofnbakaðar kartöflur og gulrætur, salat, ávextir

Fimmtudagur

Asískar núðlur, grísakjöt í súrsætrisósu, ávextir

Föstudagur

Ofnbakaður fiskur, karrísósa, hrísgrjón, salat, ávextir

Lestrartré sem mun vonandi safna mörgum laufum.

Öðruvísileikar í Súðavík

Öðruvísileikar í Súðavík

Öðruvísileikar í Súðavík

Öðruvísileikar í Súðavík

Öðruvísileikar í Súðavík

« 1 af 6 »

Fréttir vikunnar 30.sept- 4.okt

Lestrartré

Lestur einn af grunnþáttum menntunar og mikilvægt að ná góðum tökum á honum til að eiga auðveldara með að afla sér upplýsinga með sjálfstæðum hætti.  Við ætlum að nota tréð sem nemendur gerðu vegna Erasmus-verkefnisins til að telja bækur sem við lesum um leið og við stofnum til keppni milli nemenda og starfsmanna um fjölda lesinna bóka á skólaárinu svo endilega hvetjið krakkana til að lesa sem mest.

Öðruvísi-leikar

Í dag fóru nemendur 1.-7.bekkjar á hina árlegu ,,Öðruvísileika“ sem að þessu sinni voru haldnir í Súðavík.  Þar var glens og gaman um leið og nemendur reyndu á sig við leik og samvinnufærni eins og sjá má á meðfylgjandi myndum.

Íþróttir

Í næstu viku hefjast inniíþróttir og þá er mikilvægt að allir séu með íþróttaföt og innanhússkó.  Síðasti sundtíminn í bili verður svo á næsta þriðjudag og við hefjum svo leikinn aftur eftir páska.

Íþróttahátíðin í Bolungarvík

Íþróttahátíðin í Bolungarvík verður haldin næstkomandi fimmtudag.  Endanleg dagskrá er ekki komin en eins og undanfarin ár verður nemendum 8.-10.bekkjar  raðað saman í lið þvert á skóla.  Liðin keppa svo í fjölbreyttum íþróttagreinum. Í lokin er svo ball og þar eru viðurkenningar veittar. 

Foreldrafundurinn

Í tengslum við þróunarverkefni grunn- og leikskólans ,,Náum betri árangri saman“ er á áætlun að halda sameiginlegan foreldrafund þar sem meðal annars verður farið yfir réttindi og skyldur foreldra í íslenska skólakerfinu og að því loknu verða samræður um hvað við getum gert saman til að ná betri árangri.  Nú er búið að dagsetja þennan fund, hann verður þann 23.október kl.18:00 – 20:00 og ég bið ykkur að taka þennan tíma frá.  Túlkað verður á pólsku, ensku og tælensku á fundinum.

Mánudagur

Grjónagrautur, brauð og álegg, grænmeti og ávextir

Þriðjudagur

Plokkfiskur, soðnar kartöflur og grænmeti, rúgbrauð, smjörvi, ávextir

Miðvikudagur

STARFSDAGUR

Fimmtudagur

Lambagúllas, pasta, salat, ávextir

Föstudagur

Grænmeti- og baunasúpa, brauð með osti, ávextir