Umræðufundur að hefjast

Allir að hugsa

Niðurstöður að komast á blað

Stuð í Tarsan

Smá pása

« 1 af 5 »

Fréttir vikunnar 17. - 21.febrúar 2020

Þessa vikuna er það helst að frétta af starfi skólans að miðstigið heldur áfram að vigta ruslið sitt og vinna með umhverfisvernd. Niðurstöður þeirra fyrir tvær síðustu vikur eru að almennt rusl var 147 gr., pappír 5982 gr., plast 1024 gr. og matarafgangar 4819 gr., alls tæplega 12 kíló. Krakkarnir eru meðvitaðir um að þetta er mikið af efni sem fer forgörðum en það góða í þessu er að almenna ruslið er mjög lítið svo það má sjá að nemendur eru duglegir að flokka í skólanum og við vonum að þeir séu líka duglegir að flokka heima og minna ykkur á ef þið gleymið ykkur. Þannig tökum við öll saman ábyrgð á umhverfinu.

Í dag héldum við þriðja nemendaþing vetrarins. Að þessu sinni unnu nemendur með einkunnarorð skólans líkt og foreldrar og starfsmenn gerðu fyrr í vetur. Niðurstöður eru ekki tilbúnar en við sjáum að krakkarnir eru orðnir vel þjálfaðir í þessum vinnubrögðum. Það finnst okkur ánægjulegt þar sem þetta er sú vinna sem styður einna best við lýðræði í skólastarfi og kennir nemendum að það er hægt að hafa áhrif á starfsumhverfi sitt með málefnalegri umræðu.

Unglingastigið vann svipaða vinnu fyrr í vikunni þegar við fengum nemendur þar til að hjálpa okkur við innra mat á skólastarfinu. Nú í vetur eigum við að meta hvernig gengur að vinna með grunnþætti menntunar í skólastarfinu og það er okkur afar dýrmætt að fá fram hvernig nemendur sjá þá vinnu og hvað þeir telja líklegt að gæti orðið til úrbóta.

Skólavikunni lauk svo með Tarsanleik í íþróttahúsinu.

Við minnum á að á öskudag 26.feb. er starfsdagur og svo vetrarfrí 27. og 28. febrúar

Í kvöld er þorrablót foreldrafélagsins og vonumst við til að hitta sem flesta þar.

Ég minni á að á morgun, 18.feb og 19.feb eru foreldraviðtöl hjá okkur. Nemendur hafa fengið fundartíma með sér heim.

Og þar sem engar fréttir vikunnar fóru í loftið á föstudaginn set ég hér með eina mynd sem tekin var af miðstigi í tilraunum í náttúrufræði.

Veðurspá fyrir morgundaginn er afar slæm. Við biðjum ykkur því enn og aftur að vera á varðbergi og gæta fyllsta öryggis áður en börn eru send í skólann. Við aðstæður eins og þessar má gera ráð fyrir að lágmarks starfsemi verði í skólanum. Við biðjum ykkur um að láta okkur vita með tölvupósti á jonab@isafjordur.is eða á facbooksíðu skólans ef þið ákveðið að hafa börnin heima. Nemendur fá ekki fjarvistarskráningar þegar svona er.

Kveðja

Jóna

Nemendur á fjarkynningu frá Terra

Heimsókn á Tjarnarbæ

« 1 af 2 »

Miðstigið er nú að vinna umhverfisverkefni sem meðal annars felur í sér mikla umfjöllun um sorp og annan úrgang. Þau hafa bæði vigtað umbúðir af ýmsu tilfallandi dóti sem berst í skólann og sitt eigið nesti. Þetta er fjölþætt verkefni sem tengir vel saman stærðfræði og umhverfisvernd. Einn daginn vó samanlagt nestið þeirra alls 2702 grömm og afgangarnir þegar þau voru búin að borða 527 grömm, þannig að þau höfðu aðeins borðað 80% af því sem þau voru send með. Þetta kallaði á margskonar hugleiðingar um hvað hægt væri að gera til að sporna við matarsóun og hversu mikið afgangar af nesti allra skólabarna á Íslandi myndu vega á einum vetri.

Á þriðjudaginn var Ingvar Sigurðsson, prófessor við Háskóla Íslands hjá okkur, hann er að aðstoða okkur við skipulag og mat á föstudagsverkefninu. Hann hélt einnig matsfund með nemendum og höfum við nú fengið niðurstöður úr þeim fundi til úrvinnslu. Nemendur eru ánægðir með flest í skólanum en þó er alltaf eitthvað sem má bæta og ég tel mjög gott fyrir okkur að fá utan að komandi aðila til að ræða við krakkana um hvernig þeim líka kennsluhættir og viðmót kennara því öll viljum gera okkar besta til að bjóða nemendum gæðakennslu.

Á miðvikudaginn byrjuðum við svo í Lífshlaupinu og hvetjum nú nemendur – og okkur sjálf- til hreyfingar í að minnsta kosti 30 mínútur daglega. Hreyfingin er svo skráð þegar nemendur koma í skólann. 

Við vorum að taka í notkun nýjar flokkunartunnur til að vera með innanhúss og á föstudaginn fengum við svo kynningu frá Terra um sorpflokkun. Kynningin fór fram í gegnum netið og var frumraun bæði okkar og þeirra á að vera með þannig kynningu fyrir grunnskóla. Þetta tókst mjög vel og nú ættu nemendur að geta leiðbeint foreldrum sínum um flokkun ef einhver vafaatriði koma upp.

Í gær var dagur leikskólans haldinn hátíðlegur um allt land og unglingarnir okkar fóru í heimsókn á leikskólann, þáðu veitingar og sungu með nemendum þar.

Að lokum geri ég hér tilraun til að sýna ykkur brot af gleðinni og sköpunarkraftinum sem fyllir húsið hjá okkur á föstudögum. Þetta er örstutt myndband af vélmenni sem tveir nemendur lögðu mikið á sig við að hanna og búa til.

https://drive.google.com/file/d/1y66FCXdOZ8DfTY96LxvuOhbBcMexIkFU/view?usp=sharing

Mánudagur

Pastaréttur (pasta, spinat, tómatar, kjukling), grænmeti og ávextir

Þriðjudagur

Plokkfiskur, kartöflur, rugbrauð, gulrætur, ávextir

Miðvikudagur

Hakk og spagettí, salat, ávextir

Fimmtudagur

Kjöt í karrísósu, hrísgrjón, grænmeti og ávextir

Föstudagur

Fiskur í raspi, kartöflur, grænmeti, ávextir

Mánudagur

Pastaréttur (pasta, spinat, tómatar, kjukling), grænmeti og ávextir

Þriðjudagur

Plokkfiskur, kartöflur, rugbrauð, gulrætur, ávextir

Miðvikudagur

Hakk og spagettí, salat, ávextir

Fimmtudagur

Kjöt í karrísósu, hrísgrjón, grænmeti og ávextir

Föstudagur

Fiskur í raspi, kartöflur, grænmeti, ávextir

Hér er sköpunargleðin alls ráðandi

Á næsta mánudag verður kominn febrúar og skólaárið meira en hálfnað og áður en við vitum af verður það búið.

Við erum nú að ljúka við að kanna orðaforðaþekkingu og málskilning allra nemenda með prófi sem kallast ,,Milli mála" og er hannað til að meta kunnáttu nemenda sem eru að læra skólamálið sem annað tungumál. Við ákváðum að leggja þetta próf fyrir alla nemendur til að fá tölulegar upplýsingar um orðaforðaþekkingu þeirra. Niðurstöðurnar verða kynntar í foreldraviðtölunum í febrúar. 

Unglingarnir fóru aftur í umferðarfræðslu á Ísafjörð í dag og munu fara aftur næsta föstudag. Þeir láta vel af fræðslunni og vonumst við til að þetta muni gagnast þeim vel.

Okkur finnst við nú vera að ná tökum á verkefninu sem við köllum ,,föstudagsverkefni". Nemendur eru farnir að skilja betur til hvers er ætlast af þeim og leggja meiri vinnu í verkefnin sín og gleði orðin meira áberandi. Þeir eru einnig farnir að skipuleggja tíma sinn betur og eru oft búnir að skipuleggja tvo föstudaga fram í tímann. Til að ramma verkefnið aðeins betur inn settum við nú skilyrði að öll verkefnin yrðu að innihalda í það minnsta eitt verk sem tengdist íslensku, eitt semtengdist stærðfræði og eitt sem tengdist erlendu tungumáli. Þá höfum við nú einnig sett viðmið vegna verkefnisins upp á vegg og kynnt þau fyrir nemendum svo þeir vita nákvæmlega hvað þeir þurfa að gera til að fá góða einkunn fyrir verkefnið sitt. Á þriðjudaginn verðum við svo með ráðgjafa úr Reykjavík sem er að aðstoða okkur við þetta verkefni.

Nú er enn og aftur gul viðvörun vegna óveðurs í gildi fyrir Vestfirði á morgun.  Spáin gerir ráð fyrir hvassviðri eða stormi með vindhraða á bilinu 18 - 25 m/s. 

Foreldrar eru hvattir til að fylgjast með veðurspám og fréttum af veðri og fara að öllu með gát. 

Nemendur miðstigs með nýju heyrnartólin.

Verkefni um umhverfismál

« 1 af 7 »

Skólastarfið hefur að mestu leyti verið í hefðbundinum skorðum þessa vikuna, á fimmtudaginn var þó enn einn óveðursdagurinn og kennsla raskast alltaf eitthvað þegar vantar marga nemendur en við því er ekkert að gera.

Miðstigið er að vinna að umhverfisverkefni í samfélagsfræði. Til að byrja með er áherslan á mismuninn á því sem maður þarfnast og það sem mann langar í. Þar er einnig verið að flokka rusl og vigta og skoða hvort eitthvað er hægt að gera til að minnka ruslið sem kemur frá þeim á skólatíma.  Þetta verkefni mun taka nokkrar vikur og ætlunin er að breiða það út til annarra nemenda og skólasamfélagsins í heild.

Nemendur á miðstigi geta nú einnig fengið afnot af heyrnartólum þegar þeir eru að vinna verkefni á ipad í skólanum, það var mikil gleði þegar þeir fengu að prófa þau í fyrsta skipti.

Í tengslum við verkefnið okkar um eflingu orðaforða hjá nemendum höfum við nú fengið aðgang að prófi til að meta íslenskukunnáttu nemenda sem eru með erlendan bakgrunn. Prófið heitir ,,Milli mála" og er einstaklingspróf hannað af Elínu Þöll Þórðardóttur og samstarfsmönnum hennar við háskólann í Ontario í Kanada. Við vonumst til að verða búin að prófa alla fyrir foreldraviðtöl svo við getum gefið herjum og einum gleggri upplýsingar um stöðuna í íslenskunni. 

Nú í morgun varð svo óvænt uppákoma hjá okkur þegar við fengum Einar Mikael töframann í heimsókn. Það má segja með sanni að nemendur hafi veirð heillaðir upp úr skónum og eins og sjá má á meðfylgjandi myndum fengu þeir líka að taka þátt í nokkrum töfrabragðanna.

Þessi vika var mjög óvenjuleg hjá okkur þar sem óveður og ófærð settu strik í reikninginn í þrjá daga.  Ég þakka foreldrum fyrir hversu vel þeir fylgdust með á facebooksíðu skólans því upplýsingar komu ekki alltaf með löngum fyrirvara. Einnig mundu langflestir eftir að láta vita hvort börnin yrðu heima eða kæmu í skólann. Eins og áður hefur komið fram hefur Ísafjarðarbær sett þá vinnureglu að skólum sé ekki lokað nema um það komi tilmæli frá Almannavörunum eða lögreglu, það átti við um miðvikudaginn 15.janúar og því var skóla aflýst þann dag. Ef foreldrar telja ekki óhætt að senda börn í skóla vegna veðurs eru þeir beðnir um að tilkynna það til skólans. Miða má við að ef appelsínugul viðvörun er í gangi frá Veðurstofu Íslands geti verið erfitt fyrir börn að fara um og ef aðstæður eru þannig að ekki sé hægt að fylgja þeim þá er betra að hafa þau heima heldur en að senda þau út í óvissu. Nemendur fá ekki fjarveruskráningu við slíkar aðstæður.

En nú vonum við að þessari ótíð sé lokið og við getum haldið áfram okkar starfi með venjubundnum hætti.

Næstu þrjá föstudaga frá 9:40-11:00 munu 8.-10.bekkur fara í umferðarfræðslu til Auðar Yngvadóttur ökukennara. Auður er umsetinn kennari og til að nýta tímann sem best mun Sophus keyra krakkana okkar á Ísafjörð og Bryndís fylgir þeim þangað. Vonandi mun þessi fræðsla nýtast þeim í umferðinni. 

Kveðja

Jóna