1. - 8. bekkur fer í vorferðir til Ísafjarðar og Bolungarvíkur á morgun. Mæting í skólann er kl 08:00, rútan fer kl 08:30 og kemur til baka um kl 12:30. Mikilvægt er að nemendur séu klæddir eftir veðri og með nesti með sér.
Eftir mikinn undirbúning þar sem m.a. nemendur í 5. - 10. bekk mættu og bökuðu í gær var skólasýning Grunnskólans á Suðureyri alveg frábær. Við byrjuðum á danssýningu inn í sal áður en við fórum inn í skóla þar sem gestir nærðu sig í kaffisölunni og skoðuðu verk nemenda. Árlegt skákmót skólans var haldið og þeir Stefán og Ágúst unnu. Ég vil þakka þeim Ásu, Öddu, Bryndísi, Ingibjörgu og Lindu kærlega fyrir, en þær sáu um skipulagningu og undirbúning Skólasýningar alveg frá A til Ö.
Við þökkum gestum kærlega fyrir komuna og látum myndirnar frá sýningunni tala sínu máli, en þær má skoða hér.
Nú er þetta bráðum fullorðna fólk komið heim. Þau renndu í skólahlaðið þreytt en sæl í gærkvöldi eftir frábæra vorferð.
Fyrst var ferðinni heitið í Skagafjörð, þar sem gist var á Bakkaflöt og farið í flúðasiglingu og litbolta. Eftir litboltann skelltu þau sér í sund og síðan í mat á veitingastofunni Sólvík á Hofsós áður en haldið var til Akureyrar. Þar gistu þau í Stórholti og fóru í bíó og keilu, á siglingarnámskeið hjá siglingarklúbbnum Nökkva og að skjóta hjá skotfélagi Akureyrar. Það var borðað á Bautanum og Greifanum, þau skelltu sér á Brynjuís, á Subway og áður en þau lögðu af stað heim í gær fengu þau sér flatböku á Dominos. Síðasta stoppið var svo á Reykjanesi þar sem þau hristu sig aðeins eftir langa bílferð og fengu sér að borða.
Við erum auðvitað mjög stolt af þessum frábæra hóp og gaman er að segja frá því að skólanum hafa borist nokkrir póstar þar sem hópnum er lofað fyrir að vera prúð og skólanum til mikils sóma. Það koma svo inn nokkrum myndum úr ferðinni í næstu viku.
Myndirnar frá ferðinni má skoða hér.
Á sunnudaginn verður árleg skólasýning grunnskólans haldin.
Nemendur mæta kl 13:30 og sýningin hefst kl 14:00 í íþróttahúsinu með danssýningu yngra- og miðstigs. Að henni lokinni er foreldrum, ættingjum, nemendum og öðrum áhugasömum boðið í skólann að sjá verk nemenda. Kaffisala verður að sjálfsögðu á sýnum stað. Það kostar 1.000 kr. fyrir fullorðna, en frítt fyrir börn á leik og grunnskólaaldri. Allur ágóði af kaffisölunni rennur í ferðasjóð nemenda.
Dagskrá næstu daga:
Mánudagur 23. maí - Síðasti kennsludagur
Þriðjudagur 24. maí - Vorferðir nemenda
Miðvikudagur 25. maí - Útiþema
Fimmtudagur 26. maí - Útiþema
Föstudagur 27. maí - Vorhreinsun og gróðursetning nemenda
Mánudagur 30 maí - Ratleikur, sund og grill
Þriðjudagur 31. maí - Skólaslit, 1. - 6. bekkur kl 11:00 og 7. - 10. bekkur 17:30
Skóladagur allra nemenda verður fram að hádegi og mikilvægt er að þeir mæti klæddir til útiveru.
Í síðustu viku kom dómnefnd saman og valdi 3 merki. Þetta var auðvitað ekki auðvelt og tók dómnefndin sér góðan tíma í að rökræða sig niður á 3 tillögur sem þóttu í frábærum hóp tillagna, bestar.
Í kjölfarið ræddi ég við hönnuði þessara þriggja tillagna og við fórum yfir hvað gæti breyst þegar þær fara í vinnslu og hvort það væri í lagi. Sigurtillagan verður nefnilega útfærð frekar af nemanda í tækniskólanum. Þannig hún sé til í góðum gæðum og hægt sé að nota hana á ýmsan hátt.
Kæru foreldrar og forráðamenn á morgunn 18 maí er síðasti dagurinn í sundi og íþróttum af því tilefni ætlum við að hafa fatasund hjá 1-6 bekk.
Börnin mega því koma með aukaföt til þess að fara í sund en samt sem áður að vera í sundfötum innanundir.
Hlakka til að sjá þau spennt, hress og kát á morgun.
Kv Kolbrún Fjóla
10. bekkur fór í sinn síðasta sundtíma við Grunnskólann á Suðureyri fyrir helgi, af því tilefni breyttum við aðeins til og höfðum fatasund. Allir skemmtu sér mjög vel og á ég eftir að sakna þeirra og þakka þeim fyrir að gera veturinn eftirminnilegan og umfram allt skemmtilegan.
Í dag fengu nemendur í 10. bekk að prufa nýtt rafrænt prófakerfi sem er verið að þróa fyrir samræmd könnunar próf. Við prufuðum að taka prófið í spjaldtölvu, á borðtölvu og á sýndarþjóni. Frá og með næsta ári taka allir nemendur samræmd próf rafrænt. Þann 26. maí munum við svo taka þátt í frekari prufum, en þá mun 3. bekkur prufa kerfið. Þetta er auðvitað góð reynsla fyrir nemendur sem munu þreyta prófin rafrænt í haust.
Mánudagur 9.maí
Pastaréttur (pasta, spinat, beikon, sveppir, ostasósa), salat
Þriðjudagur 10.maí
Fiskur í raspi, kartöflur, salat, sósa
Miðvikudagur 11.maí
Hakk, tacosósa, hrisgrjón, salat
Fimmtudagur 12.maí
Lambagulash, kartöflur, salat
Föstudagur 13.maí
Ofnbakaður fiskur, salat, kartöflur, sósa
VERÐI YKKUR AÐ GÓÐU
Frestur til að senda inn tillögur er að renna út í kvöld. Nú hafa borist 52 tillögur í keppnina. Flestar frá nemendum en einnig bárust nokkrar tillögur annarstaðar frá. Eftir helgi tekur við erfitt starf dómnefndar að velja úr þessum frábæru tillögum. Valdar verða 3 tillögur sem síðan verður kosið um á síðu skólans. Niðurstöður dómnefndar er að vænta í næstu viku. Við þökkum öllum sem tóku þátt kærlega fyrir.
