Á sunnudaginn verður árleg skólasýning grunnskólans haldin.

Nemendur mæta kl 13:30 og sýningin hefst kl 14:00 í íþróttahúsinu með danssýningu yngra- og miðstigs. Að henni lokinni er foreldrum, ættingjum, nemendum og öðrum áhugasömum boðið í skólann að sjá verk nemenda. Kaffisala verður að sjálfsögðu á sýnum stað. Það kostar 1.000 kr. fyrir fullorðna, en frítt fyrir börn á leik og grunnskólaaldri. Allur ágóði af kaffisölunni rennur í ferðasjóð nemenda.

Dagskrá næstu daga:

Mánudagur 23. maí -      Síðasti kennsludagur

Þriðjudagur 24. maí -     Vorferðir nemenda

Miðvikudagur 25. maí -   Útiþema

Fimmtudagur 26. maí -   Útiþema

Föstudagur 27. maí -      Vorhreinsun og gróðursetning nemenda

Mánudagur 30 maí -       Ratleikur, sund og grill

Þriðjudagur 31. maí -     Skólaslit, 1. - 6. bekkur kl 11:00 og 7. - 10. bekkur 17:30

Skóladagur allra nemenda verður fram að hádegi og mikilvægt er að þeir mæti klæddir til útiveru.

Hér má sjá tillögurnar þrjár saman

Tillaga X

Tillaga Y

Tillaga Z

« 1 af 4 »

Í síðustu viku kom dómnefnd saman og valdi 3 merki. Þetta var auðvitað ekki auðvelt og tók dómnefndin sér góðan tíma í að rökræða sig niður á 3 tillögur sem þóttu í frábærum hóp tillagna, bestar.

Í kjölfarið ræddi ég við hönnuði þessara þriggja tillagna og við fórum yfir hvað gæti breyst þegar þær fara í vinnslu og hvort það væri í lagi. Sigurtillagan verður nefnilega útfærð frekar af nemanda í tækniskólanum. Þannig hún sé til í góðum gæðum og hægt sé að nota hana á ýmsan hátt.

Smellið hér til að kjósa!

Kæru foreldrar og forráðamenn á morgunn 18 maí er síðasti dagurinn í sundi og íþróttum af því tilefni ætlum við að hafa fatasund hjá 1-6 bekk.

Börnin mega því koma með aukaföt til þess að fara í sund en samt sem áður að vera í sundfötum innanundir.

Hlakka til að sjá þau spennt, hress og kát á morgun.

Kv Kolbrún Fjóla

Dásemdar börn

10. bekkur fór í sinn síðasta sundtíma við Grunnskólann á Suðureyri fyrir helgi, af því tilefni breyttum við aðeins til og höfðum fatasund. Allir skemmtu sér mjög vel og á ég eftir að sakna þeirra og þakka þeim fyrir að gera veturinn eftirminnilegan og umfram allt skemmtilegan.

« 1 af 5 »

Í dag fengu nemendur í 10. bekk að prufa nýtt rafrænt prófakerfi sem er verið að þróa fyrir samræmd könnunar próf. Við prufuðum að taka prófið í spjaldtölvu, á borðtölvu og á sýndarþjóni. Frá og með næsta ári taka allir nemendur samræmd próf rafrænt. Þann 26. maí munum við svo taka þátt í frekari prufum, en þá mun 3. bekkur prufa kerfið. Þetta er auðvitað góð reynsla fyrir nemendur sem munu þreyta prófin rafrænt í haust.

Mánudagur 9.maí

Pastaréttur (pasta, spinat, beikon, sveppir, ostasósa), salat

Þriðjudagur 10.maí

Fiskur í raspi, kartöflur, salat, sósa

Miðvikudagur 11.maí

Hakk, tacosósa, hrisgrjón, salat

                                                                                     Fimmtudagur 12.maí

                                                                                     Lambagulash, kartöflur, salat

                                                                                     Föstudagur 13.maí

                                                                                     Ofnbakaður fiskur, salat, kartöflur, sósa

VERÐI YKKUR AÐ GÓÐU

Frestur til að senda inn tillögur er að renna út í kvöld. Nú hafa borist 52 tillögur í keppnina. Flestar frá nemendum en einnig bárust nokkrar tillögur annarstaðar frá. Eftir helgi tekur við erfitt starf dómnefndar að velja úr þessum frábæru tillögum. Valdar verða 3 tillögur sem síðan verður kosið um á síðu skólans. Niðurstöður dómnefndar er að vænta í næstu viku. Við þökkum öllum sem tóku þátt kærlega fyrir.

Nú fer hver að verða síðastur til þess að taka þátt. Við tökum við hugmyndum fram á föstudag. Fjölmargar hugmyndir eru nú þegar komnar í hús, en við hvetjum áhugasama til að henda í hugmynd og setja mark sitt á skólasöguna um aldur og ævi.

Hægt er að lesa meira um málið hér.

Fyrir helgi fengum við heimsókn frá handboltadeild Harðar. Grétar þjálfari kom og gaf skólanum mjúkbolta sem eru gefnir af HSÍ vegna átaks sem þeir eru í. Mjúkboltar eru sérstaklega gerðir fyrir yngri krakka. Það er auðveldara að grípa þá og ekki vont að fá þá í sig. Nemendur í yngri hóp tóku á móti gjöfinni og fengu svo að spreyta sig í því að kasta á milli og læra að nota boltanna saman.

Á miðstigi ræddum við um stöðurafmagn og nemendur fengu að skoða og prufa stöðurafmagnspinna sem lætur hluti svífa.

Hægt er að sjá myndir frá deginum hér.

Í dag komu nemendur úr Tjarnabæ, sem byrja í skólanum í haust, í heimsókn. Nemendur sungu saman og lærðu um vöðvana, t.d. hvað við notum mikið af vöðvum þegar við brosum eða erum í fýlu.

Því næst var komið að kassanum. Friðrika nemandi okkar í 1. bekk hafði tekið með sér áhugaverðan hlut sem hún vildi sýna samnemendum sínum. Nemendur fengu að giska á hvað væri í kassanum og voru þau með ýmsar hugmyndir um hvað gæti verið í kassanum. Var kannski froskur, leikfangabíll nú eða kannski kónguló. Skólastjórinn stakk upp á því að það væri kannski kind í kassanum. En nemendur voru því ekki sammála, enda kæmist kind ekki fyrir í svona litlum kassa, nema hún væri mjög lítil.

Í kassanum leyndist strútsegg sem nemendur fengu að skoða. Miklar umræður sköpuðust um hvernig dýr strútar eru og við skoðuðum muninn á hænueggi og strútseggi. Miklar pælingar voru um það hversu stórt spælt egg eða eggjakaka úr strútseggi væri. Það treysti sér enginn til að borða svoleiðis aleinn.

Hægt er að sjá fleiri myndir hér.

Við hvetjum foreldra eindregið til að leyfa nemendum að koma með áhugaverða hluti í skólann í samstarfi við kennara.