Í dag og í gær hefur verið jólaþema í skólanum. Nemendur búa til jólasveina og jólatré úr viði og pappír, mála kerti og búa til jólakúlur úr garni. Á morgun verður gæðastund með umsjónarkennurum. Skólinn býður upp á heitt súkkulaði og smákökur eftir seinni frímínútur, svo mega nemendur að sjálfsögðu taka með smákökur eða drykki að heiman. Fleiri myndir má sjá hér.
Í tilefni Dags myndlistar sem var fyrir stuttu, kom Gunnar Jónsson í heimsókn til okkar og ræddi við nemendur á miðstigi um list. Þau fengu að spyrja hvort þetta og hitt sé list. Er banani t.d. list? Gunnar sýndi þeim t.d. bananalistaverk og Campbell súpu Andy Warhols. Þau ræddu um Almar Atla "nakin í kassa", auk þess sem hann sýndi þeim nokkur verk eftir sig. Nemendur voru áhugasamir og ánægðir með kynninguna. Við þökkum Gunnari og Degi myndlistar kærlega fyrir okkur.
Í gær var hið árlega jólaföndur foreldrafélagsins og var þátttaka mjög góð. Ungir sem aldnir áttu notarlega stund saman við ólíka yðju sem tengist jólum, föndur, málun og laufabrauðsgerð. Við þökkum kærlega fyrir okkur.
stjórn foreldrafélagsins
Á morgun miðvikudaginn 9. desember mun foreldrafélagið halda sitt árlega jólaföndur. Við ætlum að hittast í skólanum klukkan 16:30. Í boði verður ýmislegt sem hæfir öllum aldurshópum. Við viljum vekja athygli á að börn eru á ábyrgð foreldra. Það er von okkar að foreldrar og börn geti átt notarlega stund saman.
Með von um að sjá sem flesta stjórn foreldrafélagsins.
Skólinn er opinn og er allt á sínum stað nema nettengingin. Meðan netið er niðri þá er síminn niðri. Hægt er að hringja í 864-1390 sem er gsm sími skólans.
Foreldrar eru hvattir til að láta vita sem fyrst af forföllum. Mikilvægt er að þeir nemendur sem koma, fái fylgd alveg upp að dyrum. Sér í lagi yngri nemendur! Mjög hvasst er við Norður hlið skólans.
Skólinn er opin og við munum taka vel á móti öllum sem komast.
Við viljum benda foreldrum á að skólinn verður opinn og það verður kennsla í fyrramálið. Sjáið hér.
Á sama tíma hvetjum við alla til að meta stöðuna og taka ákvörðun út frá eigin skynsemi og fyrirmælum frá almannavörnum og veðurstofu. Hafið það sem allra best í rafmagnsleysinu.
Mánudagur 7.des
Grænmetisbuff, kuskus, salat, sinepsósa
Þriðjudagur 8.des
Soðinn fiskur, soðnar kartöflur og gænmeti, rugbrauð
Miðvikudagur 9.des
Lambakjöt í karrí, hrisgrjón, salat
Fimmtudagur 10.des
Súpa, heimabakað brauð, grænmeti- og ávaxtabitar
Föstudagur 11.des
Fiskur í kornflakes, kartöflur, grænmeti og sósa
Verði ykkur að góðu
Vegna vægast sagt slæmrar veðurspá á morgun 8 desember ætlum við að sleppa sundi þann daginn. Þess í stað ætlum við að hafa auka íþróttatíma eða fara út að leika, fer allt eftir veðri og vindum á morgun. Vill ég því byðja foreldra um að senda íþróttaföt og handklæði á morgun. Svo verður tekin staða á morgun hvort við verðum inni eða úti.
Með viðringu og vinsemd.
Í gær komu slökkviliðsmenn og ræddu við nemendur í 2. og 3. bekk. Nemendur fengu bók og vasaljós að gjöf frá slökkviliðinu og hvetjum við foreldra til að skoða þessar bækur vel með nemendum. Í gær komu einnig fleiri húsgögn og voru eldri nemendur því ýmist að vinna í skólablaðinu eða að setja saman húsgögn í morgun. Myndir frá húsgagnasamsetningu og heimsókn slökkviliðs má skoða hér.
Mánudaginn 7. desember bjóðum við foreldra sérstaklega velkomna í skólann. Foreldrar eru að sjálfsögðu alltaf velkomnir í skólann, en sú hefð hefur verið að bjóða þá sérstaklega velkomna í skólann einn dag í desember.
Við hvetjum því foreldra, systkini, ömmur og afa til að kíkja við og heilsa upp á okkur.
