Gleðilega páska öll sömul.

Ég vona að hátíðin sé að fara vel með alla. Við sjáumst hress á þriðjudaginn kl 08:00 í skólanum.

Á annað hundrað manns komu á tvær sýningar nemenda á Emil í Kattholti í gær og þökkum við þeim öllum kærlega fyrir komuna. Nemendur stóðu sig allir með prýði og voru skóla, foreldrum og samfélagi til mikils sóma. Að sýningu lokinni var diskó fram eftir nóttu og það voru sælir, sveittir og þreyttir nemendur sem héldu heim á leið eftir frábæran dag.

Myndir frá deginum má skoða hér og leikskrá aðgengileg hér.

Skólinn þakkar Víkingi Kristjánssyni kærlega fyrir frábæra leikstjórn og Klofningi fyrir að styrkja sýninguna okkar rausnarlega.  

Árshátíð  Grunnskólans á Suðureyri verður haldin á morgun 17. mars. Það verða tvær sýningar, kl. 17:30 og 20:00. Verð á sýningu er kr. 1.000 fyrir fullorðna og frítt fyrir börn 15 ára og yngri.

Nemendur mæta kl. 09:30 fimmtudag á æfingar. 17:00 á fyrri sýningu og 19:30 á þá seinni. Að seinni sýningu lokinni er diskó til 22:00 hjá yngri (1. - 4.) og 23:00 hjá eldri (5. - 10.). Á föstudag byrjar skólinn kl 09:40.

Við bættum við nokkrum myndum hér.

Við hlökkum til að sjá sem flesta.

Mánudagur 14.mars

Skyr, mango sosa, brauð með osti, paprika og epli

Þriðjudagur 15.mars

Kjöt i tacosósu, hafragrjón, salat

Miðvikudagur 16.mars

Spinatfiskur, kartöflur, tómatsósa, grænmeti

Fimmtudagur17.mars

Makkaronugrautur, kanillsykur, rusinur, ávextir, PIZZUSNUÐAR

Föstudagur 18.mars

Fiskur í raspi, kartöflur, salat, sósa

VERÐI YKKUR AÐ GÓÐU

Nú styttist óðum í árshátíð Grunnskólans á Suðureyri 17. mars. Nemendur eru á fullu að undirbúa sig. Leik lesa, spá í búningum, græja sviðsmynd, redda leikmunum og syngja. Víkingur Kristjánsson er á fullu að vinna með leikurum og kennarar og starfsmenn hlaupa á milli og aðstoða eftir bestu getu. Dagarnir fram að árshátíðinni verða meira og minna tileinkaðir henni. Hægt er að skoða fleiri myndir frá undirbúningnum hér.

« 1 af 3 »

Ì dag komu elstu krakkarnir ùr leikskólanum í heimsôkn til okkar. Þetta er líður í því að undirbúa nemendur fyrir væntanlegri skólagöngu en þau mun heimsækja okkur 1x í viku fram á vor. Markmiðið er að þau kynnist skólastarfinu með því að taka þátt í sem flestum nàmsgreinum. Það var ekki annað að sjá en að þau væru öll mjög spennt og full tilhlökkunar. 

Mánudagur 7.mars

Grjónagrautur, brauð með áleggi, soðnar egg

Þriðjudagur 8.mars

Soðinn fiskur, soðnar kartöflur og grænmeti, rugbrauð

Miðvikudagur 9.mars

Islenskt kjötsúpa, brauð

Fimmtudagur 10.mars

Kjötbollur úr grisahakki, kartöflur, sósa og salat

Föstudagur 11.mars

Ofnsteiktur fiskur og meðlæti

VERÐI YKKUR AÐ GÓÐU

Í vikunni (29. febrúar - 4. mars) var þemavika í skólanum. Gaman var að sjá hversu margir tóku þátt. Við tókum nokkrar myndir af samnemendunum okkar og þökkum öllum fyrir þátttökuna og góða og skemmtilega viku! :)  Hér er hægt að skoða myndir frá þemavikunni.

-Nemendaráðið

« 1 af 5 »

Stóra upplestrarkeppnin fór fram í Hömrum sal Tónlistarskólans á Ísafirði í gærkvöldi. Keppendur lásu brot úr bók Bryndísar Björgvinsdóttur og ljóð eftir Guðmund Böðvarsson. Fjölmargir gestir voru á hátíðinni og var hún vel heppnuð í alla staði. Hera Magnea okkar stóð sig einstaklega vel og var skólanum til mikils sóma. Að þessu sinni var það Sigrún frá Flateyri sem vann og óskum við henni og Grunnskólanum í Önundarfirði til hamingju með sigurinn.

« 1 af 4 »

Eldri hópurinn okkar fór á Ísafjörð á kynningu á Vertu næs sem er herferð sem Rauði krossinn er í. Þar eru landsmenn hvattir til að koma fram við náungann af virðingu sama hvaðan viðkomandi er. Meðal þess sem rætt var um var fordómar og þá sérstaklega duldir fordómar og muninn á samlögun við samfélag og samþættingu við það. Nemendur voru að vanda prúðir og ferðin heim og hádegishlé fóru í umræður um þessa skemmtilegu kynningu. Við þökkum kærlega fyrir okkur.